مۇز جارىلىپ، تىزگىندەپ كەلە جاتقان كولىگىمەن بىرگە كول تۇبىنە كەتكەن ادامنىڭ دەنەسى 28 مەتر تەرەڭدىكتەن تابىلدى. مارقۇمنىڭ سۋ استىندا باتقان كولىك ىشىندە ءبىر تاۋلىككە جۋىق ۋاقىت جاتىپ قالعانى انىقتالدى، دەپ حابارلادى “ادىرنا” ۇلتتىق پورتالى.
"13 قاڭتادا ساعات 15:10 شاماسىندا قاسىندا جولاۋشىسى بار نيۆا ماركالى كولىكتىڭ جۇرگىزۋشىسى قاتقان الاكول ۇستىمەن ءجۇرىپ وتكەن. سول كەزدە مۇز جارىلىپ، كولىك سۋعا كەتكەن. كولىكتەگى جولاۋشى سىرتقا شىعىپ ۇلگەرگەن. ال جۇرگىزۋشى كولىك سالونىنان شىعا الماي، سۋعا باتىپ كەتتى", - دەدى قر تجم ءباسپاسوز قىزمەتى.
ىزدەۋ جۇمىستارى بارىسىندا 14 قاڭتاردا ساعات 11-دە اباي وبلىسىنىڭ قۇتقارۋشىلارى سۋعا باتقان ادامنىڭ دەنەسىن 28 مەتر تەرەڭدىكتەن جەر بەتىنە الىپ شىقتى.
سۋ استىن بارلاۋ جۇمىسىنا قر تجم رقۇ-نىڭ اباي وبلىسىنداعى 4 قىزمەتكەرى، 1 تەحنيكاسى، جەرگىلىكتى اتقارۋشى ورگاننىڭ 25 ادامى جۇمىلدىرىلىپ، 6 تەحنيكا قولدانىلدى.
“ادىرنا” ۇلتتىق پورتالى
