23-قاڭتاردا استانا ق. «QAZAQSTAN» جەڭىل اتلەتيكالىق سپورت كەشەنىندە تۇڭعىش رەت Astana Meeting World indoor tour Silver حالىقارالىق ءتۋرنيرى وتەدى. تۋرنير اياسىندا 22-قاڭتار كۇنى استانا ق.، «QAZAQSTAN» سپورت كەشەنىندە باق وكىلدەرى ءۇشىن ارنايى پرەسس-كونفەرەنتسيا جوسپارلانعان.
كونفەرەنتسيادا جارىستىڭ ەرەكشەلىكتەرى تۋرالى ايتىلىپ، باق وكىلدەرىنىڭ سۇراقتارىنا جاۋاپ بەرىلەدى. سپيكەرلەر:
- تۋرنير ديرەكتورى – اسحات سەيسەمبەك;
- 400مەترگە جۇگىرۋدەن قازاقستان چەمپيونى، رەكوردسمەن – ميحايل ليتۆين;
- قىسقا قاشىقتىققا جۇگىرۋدەن ازيا چەمپيونى، ۇلتتىق قۇراما سپورتشىسى – ولگا سافرونوۆا;
- ۇلتتىق قۇراما سپورتشىسى، كەدەرگىلەرمەن 400م جۇگىرۋدەن قازاقستان چەمپيونى – ادەلينا زەمس;
- تۋرنيرگە قاتىسۋشى جۇلدىزداردىڭ ءبىرى، الەم چەمپيوناتىنىڭ قىسقا قاشىقتىققا جۇگىرۋدەن بىرنەشە دۇركىن كۇمىس جۇلدەگەرى – مايكل رودجەرس;
- كەدەرگىلەرمەن جۇگىرۋدەن پورتۋگاليا چەمپيونى – جۋا ۆيتور دە وليۆەرا;
- امەريكاندىق سپورتشى – شەننون رەي.
بيىل العاش رەت وتكىزىلەتىن بايراقتى باسەكەدە قازاقستان، اقش، پورتۋگاليا، برازيليا، حورۆاتيا، سلوۆەنيا، كەنيا، ەفيوپيا، ۇلىبريتانيا، كۋبا، ۆەنگريا، باربادوس، وزبەكستاننان 100-گە جۋىق سپورتشى باق سىنايدى.
جارىس باعدارلاماسىنىڭ ءار ءتۇرىنىڭ جۇلدە قورى 4000 اقش دوللارىن قۇرايدى. باعدارلاماعا جەڭىل اتلەتيكالىق جارىستاردىڭ 10 ءتۇرى ەنگىزىلگەن.
ەرلەر:
- 60م. جۇگىرۋ;
- كەدەرگىلەرمەن 60م. جۇگىرۋ;
- 800م. جۇگىرۋ;
- 3000م. جۇگىرۋ;
- 400م. جۇگىرۋ.
ايەلدەر:
- 60م. جۇگىرۋ;
- 400م. جۇگىرۋ;
- 1500م. جۇگىرۋ;
- ۇزىندىققا سەكىرۋ;
- بيىكتىككە سەكىرۋ.
بۇل جارىس وتاندىق جەڭىل اتلەتيكانىڭ حالىقارالىق دەڭگەيدەگى بەدەلىن جانە سپورتشىلار اراسىنداعى باسەكەلەستىكتى ارتتىرادى. Astana meeting ەلىمىزدىڭ جانە ازيا ءوڭىرىنىڭ جەڭىل اتلەتيكاسىنداعى ەڭ بەدەلدى جارىستاردىڭ بىرىنە اينالادى.
