23-qaŋtarda Astana q. «QAZAQSTAN» jeŋıl atletikalyq sport keşenınde tūŋǧyş ret Astana Meeting World indoor tour Silver halyqaralyq turnirı ötedı. Turnir aiasynda 22-qaŋtar künı Astana q., «QAZAQSTAN» sport keşenınde BAQ ökılderı üşın arnaiy press-konferensiia josparlanǧan.
Konferensiiada jarystyŋ erekşelıkterı turaly aitylyp, BAQ ökılderınıŋ sūraqtaryna jauap berıledı. Spikerler:
- Turnir direktory – Ashat Seisembek;
- 400metrge jügıruden Qazaqstan Chempiony, rekordsmen – Mihail Litvin;
- Qysqa qaşyqtyqqa jügıruden Aziia Chempiony, ūlttyq qūrama sportşysy – Olga Safronova;
- Ūlttyq qūrama sportşysy, kedergılermen 400m jügıruden Qazaqstan Chempiony – Adelina Zems;
- Turnirge qatysuşy jūldyzdardyŋ bırı, Älem Chempionatynyŋ qysqa qaşyqtyqqa jügıruden bırneşe dürkın kümıs jüldegerı – Maikl Rodjers;
- Kedergılermen jügıruden Portugaliia Chempiony – Jua Vitor De Olivera;
- Amerikandyq sportşy – Şennon Rei.
Biyl alǧaş ret ötkızıletın bairaqty bäsekede Qazaqstan, AQŞ, Portugaliia, Braziliia, Horvatiia, Sloveniia, Keniia, Efiopiia, Ūlybritaniia, Kuba, Vengriia, Barbados, Özbekstannan 100-ge juyq sportşy baq synaidy.
Jarys baǧdarlamasynyŋ är türınıŋ jülde qory 4000 AQŞ dollaryn qūraidy. Baǧdarlamaǧa jeŋıl atletikalyq jarystardyŋ 10 türı engızılgen.
ERLER:
- 60m. jügıru;
- kedergılermen 60m. jügıru;
- 800m. jügıru;
- 3000m. jügıru;
- 400m. jügıru.
ÄIELDER:
- 60m. jügıru;
- 400m. jügıru;
- 1500m. jügıru;
- ūzyndyqqa sekıru;
- biıktıkke sekıru.
Būl jarys otandyq jeŋıl atletikanyŋ halyqaralyq deŋgeidegı bedelın jäne sportşylar arasyndaǧy bäsekelestıktı arttyrady. Astana meeting elımızdıŋ jäne Aziia öŋırınıŋ jeŋıl atletikasyndaǧy eŋ bedeldı jarystardyŋ bırıne ainalady.
