20 قاڭتاردا ساعات 19.00-دە قۇرمانعازى وركەسترىنىڭ كونتسەرت زالىندا ۇلتتىق ساز ونەرىنىڭ جارقىن بەينەسى قۇرمانعازى ساعىربايۇلىنىڭ 200 جىلدىعىنا ارنالعان «سارىارقا» اتتى كونتسەرتى ءوتتى.
كەش قوناقتارى قازاقستاننىڭ ەڭبەك سىڭىرگەن قايراتكەرى ارداق يساتاەۆا، حالىقارالىق جانە رەسپۋبليكالىق كونكۋرستاردىڭ لاۋرەاتتارى ءبىرجان اليەۆ، ازامات شىناروۆ، اسەل الينا جەكە ونەر كورسەتتى.
2023 جىل – قۇرمانعازى ساعىربايۇلىنىڭ 200 جىلدىق مەرەيتويى اياسىندا رەسپۋبليكالىق دەڭگەيدە قر مادەنيەت جانە سپورت مينيسترلىگىنىڭ قولداۋىمەن ۇلتتىق وركەستر اۋقىمدى ءىس-شارالار مەن داۋلەسكەر كۇيشى اتىنداعى كىل مىقتىلاردى انىقتايتىن رەسپۋبليكالىق كونكۋرس ۇيىمداستىرادى.
ايتۋلى مەرەيتوي 2018 جىلى يۋنەسكو كولەمىندە اتاپ وتىلگەن بولاتىن.
ۇلى كۇيشى قۇرمانعازى ساعىربايۇلىنىڭ دۇنيەگە كەلگەن
قۇرمانعازى ساعىربايۇلى – ۇلتىنىڭ بار جاقسى قاسيەتىن بويىنا ءسىڭىرىپ وسكەن كۇي اتاسى، حالقىنىڭ تاۋەلسىزدىككە جەتۋىن ارمانداپ، كۇيمەن ارلەگەن داۋلەسكەر، اڭىز كۇيشى.
