ادۆوكات ايمان وماروۆا قىرعىز ەلىنە ءوتىپ كەتىپ، سول جاقتاعى تاۋلاردىڭ اراسىندا ءجۇرىپ، ءوزى-وزىنە (سۋيتسيد) قول جۇمساعان ساربازدىڭ سۋرەتىن جاريالاپ، ۇقك باسشىلىعىن قاتاڭ سىنعا الدى. بۇل تۋرالى ول Facebook جەلىسىندەگى پاراقشاسىندا جازدى، دەپ حابارلايدى “ادىرنا” ۇلتتىق پورتالى.
"سكوتچپەن جامالعان ەتىك كيىپ ساربازدار شەكارانى قورعايدى ما؟
ۇلىكبەك تە جامبىل وبلىسىندا شەكارادا بورىشىن اتقارىپ ءجۇرىپ جوعالىپ كەتكەن، بىراق 39 كۇننەن كەيىن تابىلعان. قىرعىز ەلىنە ءوتىپ كەتىپ، سول جاقتاعى تاۋلاردىڭ اراسىندا ءجۇرىپ، ءوزى وزىنە (سۋيتسيد) جاساعان دەپ جاتىر قۇقىق ورعاۋ ورگاندارى.
بىراق سۇراقتار كوپ، جاۋاپ جوق.
ساربازنىڭ اياعىنا قاراڭىزدارشى ەتىكتى سكوتچپەن جابىستىرىپ قويعان.مەندە ءبىر سۇراق بار جوعارىداعى ۇقك باسشىلىعىنا:
- سىزدەر بالاڭىزعا وسىنداي تەسىك ەتىكتى كيگىزىپ، سكوتچپەن تەسىگىن جاماپ، قىران قىستا شەكارانى قورعاۋعا جىبەرەسىزدەر مە؟", - دەپ جازدى ايمان وماروۆا.
