بەكزات ءجۇسىپ "Qazcontent" اق باسقارما توراعاسى بولىپ تاعايىندالدى. بۇل تۋرالى قر اقپارات جانە قوعامدىق دامۋ ءمينيسترى دارحان قىدىرالى حابارلادى، دەپ جازادى "ادىرنا" ۇلتتىق پورتالى.
"بۇگىن "قازكونتەنت” اق ۇجىمىنا جاڭا باسشى رەتىندە بەكزات ءجۇسىپتى تانىستىردىم. بەكزات باقبەرگەنۇلى بۇعان دەيىن پرەمەر-مينيستر كەڭسەسىندە، پرەزيدەنت اكىمشىلىگىندە جاۋاپتى قىزمەتتەر اتقاردى. جۋرناليستيكا سالاسىندا جەمىستى ەڭبەك ەتىپ، مەديا مەنەدجەر رەتىندە بىلىكتىلىگىن كورسەتتى. ارىپتەسىمىز "بولاشاق" باعدارلاماسى بويىنشا العان ءبىلىمى مەن جيعان تاجىريبەسىن اقپارات سالاسىنىڭ دامۋىنا جۇمسايدى دەپ سەنەمىز. ساتتىلىك تىلەيمىن!", - دەپ جازدى مينيستر ءوزىنىڭ Facebook پاراقشاسىندا.
"ادىرنا" ۇلتتىق پورتالى
