Google كومپانياسىنا جۇمىسقا شاقىرتۋ الۋ جولدارى تۋرالى تالدىقورعان قالاسىنداعى نازارباەۆ زياتكەرلىك مەكتەبىنىڭ تۇلەگى، باعدارلاماشى-قۇراستىرۋشى ەرنياز نۇرعابىلوۆ، «اقىلدى بەيسەنبى» كاسىپتىك باعدار بەرۋ كەزدەسۋىندە وقۋشىلارمەن ءبولىستى.
ەرنياز نۇرعابىلوۆ نازارباەۆ ۋنيۆەرسيتەتىنىڭ «Computer Science» فاكۋلتەتىن بىتىرگەن. ول Google كومپانياسىنان شاقىرۋ الىپ، 2022 جىلدىڭ ناۋرىز ايىنان باستاپ پولشاداعى Google كەڭسەسىندە باعدارلاماشى- قۇراستىرۋشى رەتىندە جۇمىس ىستەيدى.
ەرنياز بۇعان دەيىن ياندەكس-تە تاعىلىمدامادان ءوتىپ، سونىمەن قاتار ءوزىن سەرگەك ينتەللەكتۋالدى بەينەباقىلاۋ، تالداۋ جانە بولجاۋ جۇيەسىن جەتەكشى قۇراستىرۋشىلاردىڭ ءبىرى رەتىندە جۇزەگە اسىردى.
تالدىقورعان قالاسىنداعى زياتكەرلىك مەكتەبىندە وقىعان جىلدارى ەرنياز ماتەماتيكا پانىنەن كوپتەگەن حالىقارالىق وليمپيادالار مەن جارىستاردىڭ جەڭىمپازى اتانىپ، ماتەماتيكادان قازاقستان قۇراما كومانداسىنا قوسىلدى، الەمنىڭ وننان استام ەلىندە ءبىلىمىن كورسەتە ءبىلدى.
ەڭ جارقىن جەتىستىكتەردىڭ ءبىرى - حالىقارالىق International Mathimatical Olympiad وليمپياداسى. وعان الەمنىڭ تۇكپىر-تۇكپىرىنەن 150-دەن استام مەملەكەت قاتىسادى. بۇل وليمپيادا ماتەماتيكا سالاسىنداعى ەڭ جوعارى جارىس بولىپ تابىلادى. تالانتتى ەرنياز بۇل وليمپياداعا ەكى رەت 10 جانە 11 سىنىپتاردا قاتىستى. العاشقى جارىسىندا ارگەنتينادا كۇمىس مەدال السا، 11-سىنىپتا كولۋمبيادا قولا جۇلدەگەر اتاندى.
وقۋشىلارعا «اقىلدى بەيسەنبى» كەزدەسۋىندە ول ارقاشان ارمانىڭا قاراي جىلجۋ كەرەكتىگىن ايتتى. ونىڭ ارمانى ەڭ ءىرى «Google» كورپوراتسياسىندا جۇمىس ىستەۋ ەدى، بىراق قانداي دا ءبىر سەبەپتەرمەن ول ءوز قابىلەتىنە سەنبەي، سوندا قۇجات تاپسىرۋعا قورىقتى. دەگەنمەن ارمانى ورىندالدى.
ول جەردە جۇمىسىن باستاماس بۇرىن قاتاڭ ىرىكتەۋدەن ءوتتى - ارقايسىسى 45 مينۋتتىق ونداعان سۇحبات بەردى.
بۇگىن «Google» ەرنيازدى قاجەتتىنىڭ بارلىعىمەن قامتاماسىز ەتەدى: ىڭعايلى جۇمىس كەستەسى، تاماشا كەڭسە، تەگىن تاماق جانە كوشۋگە كومەكتەسۋ.
ەرنيازدىڭ باستى ارمانى – قازاقستانعا ورالىپ، ەلىمىزدىڭ الەۋەتىن ارتتىرا وتىرىپ، وسىندا IT سالاسىن كوتەرۋ.
مەكتەپتى سۇيىسپەنشىلىكپەن ەسكە الادى. وقۋشىلارعا NIS بەرەتىن بارلىق مۇمكىندىكتەردى پايدالانۋعا كەڭەس بەردى، اسىرەسە، وليمپيادا الاڭىندا.
[caption id="attachment_147249" align="aligncenter" width="2560"]
SONY DSC[/caption]
