Google كومپانياسىنىڭ بۇرىنعى توپ-مەنەدجەرى مەتت بريتتين BBC-ءدىڭ باس ديرەكتورى قىزمەتىنە تاعايىندالدى، دەپ حابارلايدى «ادىرنا» ءتىلشىسى Reuters-كە سىلتەمە جاساپ.
ول وتكەن جىلى دونالد ترامپتىڭ ءسوزىن بۇرمالاۋعا قاتىستى داۋ-دامايدان كەيىن قىزمەتىنەن كەتكەن تيم دەيۆيدىڭ ورنىنا كەلەدى.
BBC باسقارما توراعاسى سامير شاح حابار تاراتۋ ۇيىمىنىڭ قۇرىلىمىنا تەرەڭ وزگەرىستەر قاجەت ەكەنىن اتاپ ءوتىپ، بريتتين ءدال وسىنداي بۇرىن-سوڭدى بولماعان سىن-قاتەرلەر جاعدايىندا كومپانيانى ترانسفورماتسيالاي الاتىن تۇلعا ەكەنىن ايتتى.
جاڭا باسشىنى تاعايىنداۋ دونالد ترامپ تاراپىنان 10 ميلليارد دوللار كولەمىندە بەرىلگەن سوت تالاپ-ارىزى اياسىندا جۇزەگە اسىپ وتىر.
اقش باسشىسى بريتاندىق حابار تاراتۋشىنى 2021 جىلعى 6 قاڭتارداعى ءسوزىنىڭ كادرلارىن مونتاجداۋ ارقىلى جالا جاپتى دەپ ايىپتاۋدا.
