تۇركيانىڭ كاحرامانماراش قالاسى، ەلبيستان اۋدانىندا قۇتقارىلعان تۇرعىننىڭ سوزدەرى جالپاق جۇرتتى جىلاتتى. جەر سىلكىنىسىنەن 123 ساعات وتكەندە ءۇيىندى استىنان شىعارىلعان جاننىڭ ەسىمى - مەليسا. 23 جاسار. قۇتقارۋشىلار اناسى ەكەۋىن بىرگە تاپتى. اناسى ءولى كۇيىندە، ءوزى ءتىرى تابىلدى.
مەنيسانىڭ قۇتقارۋشىلاردى كورە سالا ايتقان العاشقى ءسوزى الەۋمەتتىك جەلىدە تارادى، دەپ حابارلايدى “ادىرنا” ۇلتتىق پورتالى "CNN Turk" اگەنتتىگىنە سىلتەمە كورسەتە وتىرىپ.
وقيعا بىلاي باستالعان:
مەليسا اناسىمەن ەرىپ، ساۋدا دۇكەنىنە بارعان. سول ساتتە جەر سىلكىنەدى. اناسى مەن مەليسانى ساۋدا دۇكەنىنىڭ قابىرعالارى باسىپ قالعان.
وكىنىشكە قاراي، اناسى قىزىنىڭ كوزىنشە، سول جەردە، قابىرعالار قۇلاعاندا اجال قۇشقان.
جەر تولقىعاندا قاتتى شوشىنعان 23 جاسار مەليسانىڭ كوڭىلىگدەگى اۋىر دەرتى كوپشىلىكتىڭ كوزىنە جاس ءۇيىردى. ول قۇتقارۋشى كەلگەن ساتتە:
- “كۇرتەشەمدى سىزدەرگە بەرە المايمىن. قالتاسىندا تەلەفونىم بار. اكەم دە، اعام دا بۇل جەردە ەمەس [اناسىنىڭ سۇيەگى جانىندا جاتىر]. انامنىڭ ءولىمىن ەستىرتۋ ءۇشىن اكەم مەن اعاما قوڭىراۋ شالۋىم كەرەك، ولاردى انامنىڭ جانازاسىنا شاقىرۋىم كەرەك، - دەپ جاۋاپ بەرەدى.
ونىڭ بۇل ءسوزى كورەرمەندەرگە قاتتى اسەر ەتتى. مەليسا اكەسىنىڭ ءنومىرىن بىلمەيتىندىگىن، ەسىندە قالماعانىن دا ايتادى. مەليسا تەك جانىندا ءمايىتى جاتقان اناسىنىڭ جانازاسىن شىعارۋدى عانا ويلاعان.
"ادىرنا" ۇلتتىق پورتالى
