استانادا جەكە تۇرعىن ۇيدەگى ءورت سالدارىنان بەس بالا قازاعا ۇشىرادى دەپ حابارلادى بۇگىن ىشكى ىستەر مينيسترلىگىنىڭ توتەنشە جاعدايلار كوميتەتى.
كوميتەت مالىمەتى بويىنشا، وتكەن ءتۇنى استانانىڭ سارىارقا اۋدانى شىڭعىستاۋ كوشەسىندەگى ۋاقىتشا باسپانادا ءورت شىعىپ، ءۇيدىڭ توبەسى جانىپ ورتاسىنا تۇسكەن. ءورت سۋىت حابار تۇسكەننەن كەيىن ءبىر ساعاتقا جۋىق ۋاقىت وتكەندە ءسوندىرىلدى دەپ حابارلايدى كوميتەت.
ورتكە قارسى كۇرەس قىزمەتى وكىلدەرى ءورت بولعان ءۇيدىڭ ورنىنان قازا بولعان بەس بالانى تاپقان. ولاردىڭ ەڭ ۇلكەنى 2006 جىلى، ال ەڭ كىشىسى – 2018 جىلى تۋعان. بالالار ۇيدە جالعىز بولعان دەپ حابارلاندى.
