Astanada jeke turǵyn úıdegi órt saldarynan bes bala qazaǵa ushyrady dep habarlady búgin ishki ister mınıstrliginiń tótenshe jaǵdaılar komıteti.
Komıtet málimeti boıynsha, ótken túni Astananyń Saryarqa aýdany Shyńǵystaý kóshesindegi ýaqytsha baspanada órt shyǵyp, úıdiń tóbesi janyp ortasyna túsken. Órt sýyt habar túskennen keıin bir saǵatqa jýyq ýaqyt ótkende sóndirildi dep habarlaıdy komıtet.
Órtke qarsy kúres qyzmeti ókilderi órt bolǵan úıdiń ornynan qaza bolǵan bes balany tapqan. Olardyń eń úlkeni 2006 jyly, al eń kishisi – 2018 jyly týǵan. Balalar úıde jalǵyz bolǵan dep habarlandy.
