«ناۆالنىي» ءفيلمى ۇزدىك دەرەكتى فيلم رەتىندە بريتاندىق BAFTA سىيلىعىن جەڭىپ الدى، دەپ حابارلايدى “ادىرنا” ۇلتتىق پورتالى.
19 اقپان كۇنى بريتاندىق كينو جانە تەلەۆيدەنيە ونەرى اكادەمياسى ماراپاتتارىن تابىس ەتتى. سالتاناتتى شارا بريتاندىق تەلەۆيدەنيە ارقىلى، سونداي-اق ينتەرنەت قوسىمشاسى ارقىلى بۇكىل الەمگە تىكەلەي كورسەتىلدى.
دەنيەل روەردىڭ «ناۆالنىي» ءفيلمى ساياساتكەردىڭ ۋلانۋى جانە الەۋەتتى ورىنداۋشىلارعا جالعان اتپەن شاقىرۋلار تۋرالى ەڭ ۇزدىك دەرەكتى فيلم دەپ تانىلدى.
كانادالىق رەجيسسەر دەنيەل روەردىڭ ءفيلمى 2020 جىلدىڭ تامىزىندا رەسەيلىك وپپوزيتسيونەردىڭ ۋلانۋى، ونىڭ ەمدەلۋى، كومادان شىعۋى جانە ساياساتكەردىڭ ءوزىنىڭ ۋلانۋىنىڭ ءمان-جايىن زەرتتەۋى تۋرالى باياندايدى. فيلم ناۆالنىيدىڭ رەسەيگە ورالۋىمەن اياقتالادى. ول سول جەردە ۇستالىپ، يۆ روشە ءىسى بويىنشا سوتتالىپ، كولونياعا جىبەرىلەدى.
ايتا كەتەيىك، ءفيلمنىڭ تۇساۋكەسەرى 2022 جىلدىڭ قاڭتارىندا Sundance كينوفەستيۆالىندە ءوتتى، وندا فيلم كورەرمەن سىيلىعىن جەڭىپ العان بولاتىن. 2022 جىلدىڭ جەلتوقسانىندا فيلم American Cinema Eye Honors بايقاۋىندا ەكى ماراپاتقا يە بولدى. ول سونداي-اق 12 ناۋرىزدا تاپسىرىلاتىن كينەماتوگرافيا ونەرى جانە عىلىم اكادەمياسىنىڭ («وسكار») جۇلدەلەرىنىڭ قىسقا تىزىمىنە ەندى.
