تۇرمەدە وزىنە قول جۇمساعان سوتتالۋشىنىڭ اسقازانىنان سوڭعى حاتى تابىلعان. بۇل تۋرالى 31 ارنانىڭ "ينفورمبيۋرو" جاڭالىقتار قىزمەتى جاريالادى، دەپ حابارلايدى “ادىرنا” ۇلتتىق پورتالى.
الماتى وبلىسىندا 155/8 تۇزەۋ مەكەمەسىندە جازاسىن وتەپ جاتقان سوتتالۋشى اركەن قاراساي وزىنە-ءوزى قول سالعان. ءارى مارقۇم تۋعان اعاسىنا اقتىق دەمى شىعار الدىندا سوڭعى حاتىن جولداپ ۇلگەرىپتى. وندا مۇنداي اۋىر قادامعا بارۋىنا ناقتى كىمدەردىڭ سەبەپ بولعانىن اشىق جازعان. ياعني، تۇرمە قىزمەتكەرلەرى سوتتالعانداردى ۇرىپ-سوعىپ، بالاعاتتاپ وزدەرىنە جۇمىس ىستەۋگە ماجبۇرلەيدى ەكەن. ال مارقۇم بۇل ازاپتان قۇتىلۋدىڭ جالعىز جولى ءوز ءومىرىن قۇربان ەتۋ دەپ شەشكەن. مەكەمە باسشىلىعى بولسا، مارقۇمنىڭ مىنەزى دە، مىنەزدەمەسى دە جاقسى ەدى دەپ وتىر. ايتۋلارىنشا، ونىڭ نەلىكتەن سۋيتسيد جاساعانىن بىلمەيدى.
اركەن قاراساي 2021 جىلدان بەرى لا-57 155/8 تۇزەۋ مەكەمەسىندە جازاسىن وتەپ كەلگەن. ال 15 اقپان كۇنى تاڭعى 4-تەر شاماسىندا اعاسىنا ءوز-وزىنە قول سالماقشى ەكەنىن حابارلاپتى. ويتكەنى تۇرمەگى زورلىق-زومبىلىق پەن قىسىمعا شىداي المادىم دەگەن. ياعني، مەكەمە قىزمەتكەرلەرى سوتتالعانداردى ۇرىپ-سوعىپ، نامىسىن تاپتاۋدى ادەتكە اينالدىرعانىن ايتقان. ءارى وعان ناقتى كىمدەردى كىنالاۋ قاجەتتىگىن دە جازعان. ءسويتىپ، 4 قىزمەتكەردىڭ اتىن اتاپتى.
"وسىعان جەتكىزگەن مەكەمە قىزمەتكەرلەرى. اتاپ ايتاتىن بولساق، جاسۇلان قابىلوۆيچ، الىپباەۆيچ، سامات تولەگەنوۆيچ، ءبىرجان باقىتجانوۆيچ. وسى ەسىمدى كىسىلەر مەنى تىنىش ءومىر سۇرگىزبەيدى. بۇل مەكەمەنىڭ زاڭى سول كىسىلەر" , - دەدى قىلمىستىق اتقارۋ جۇيەسى دەپارتامەنتى الماتى جانە جەتىسۋ وبلىسى بويىنشا دەپارتامەنتى باستىعىنىڭ ورىنباسارى جانىبەك قوسجانوۆ.
