Türmede özıne qol jūmsaǧan sottaluşynyŋ asqazanynan soŋǧy haty tabylǧan. Būl turaly 31 arnanyŋ "İnformbiuro" jaŋalyqtar qyzmetı jariialady, dep habarlaidy “Adyrna” ūlttyq portaly.
Almaty oblysynda 155/8 tüzeu mekemesınde jazasyn ötep jatqan sottaluşy Ärken Qarasai özıne-özı qol salǧan. Ärı marqūm tuǧan aǧasyna aqtyq demı şyǧar aldynda soŋǧy hatyn joldap ülgerıptı. Onda mūndai auyr qadamǧa baruyna naqty kımderdıŋ sebep bolǧanyn aşyq jazǧan. Iаǧni, türme qyzmetkerlerı sottalǧandardy ūryp-soǧyp, balaǧattap özderıne jūmys ısteuge mäjbürleidı eken. Al marqūm būl azaptan qūtyludyŋ jalǧyz joly öz ömırın qūrban etu dep şeşken. Mekeme basşylyǧy bolsa, marqūmnyŋ mınezı de, mınezdemesı de jaqsy edı dep otyr. Aitularynşa, onyŋ nelıkten suisid jasaǧanyn bılmeidı.
Ärken Qarasai 2021 jyldan berı LA-57 155/8 tüzeu mekemesınde jazasyn ötep kelgen. Al 15 aqpan künı taŋǧy 4-ter şamasynda aǧasyna öz-özıne qol salmaqşy ekenın habarlapty. Öitkenı türmegı zorlyq-zombylyq pen qysymǧa şydai almadym degen. Iаǧni, mekeme qyzmetkerlerı sottalǧandardy ūryp-soǧyp, namysyn taptaudy ädetke ainaldyrǧanyn aitqan. Ärı oǧan naqty kımderdı kınälau qajettıgın de jazǧan. Söitıp, 4 qyzmetkerdıŋ atyn atapty.
"Osyǧan jetkızgen mekeme qyzmetkerlerı. Atap aitatyn bolsaq, Jasūlan Qabylovich, Älıpbaevich, Samat Tölegenovich, Bırjan Baqytjanovich. Osy esımdı kısıler menı tynyş ömır sürgızbeidı. Būl mekemenıŋ zaŋy sol kısıler" , - dedı Qylmystyq atqaru jüiesı departamentı Almaty jäne Jetısu oblysy boiynşa departamentı bastyǧynyŋ orynbasary Jänıbek Qosjanov.
Ūqsas jaŋalyqtar
