ءبىزدىڭ رەسمي بيلىك نەگە قازاق ءتىلدى باق-تى مەنسىنبەيدى؟ كەشە عانا اتى الەمجەلىدە "حيت" بولعان ەڭبەك جانە حالىقتى الەۋمەتتىك قورعاۋ ءمينيسترى مادينا ابىلقاسىموۆا بلوگەر دەنيس كريۆوشەەۆكە جاۋاپ بەرىپتى. مينيستر بلوگەرگە ەمەس، مەملەكەتتىك ارنالارعا جاۋاپ بەرۋ كەرەك!
سەبەبى، ونى سول ورىنعا قويىپ وتىرعان مەملەكەت! ياعني، مينيستر ابىلقاسىموۆا مەملەكەتتىك باق-قا جاۋاپ بەرۋ ارقىلى، حالىققا جاۋاپ بەرەدى.
جالپى، بىزدە جوعارى شەندىلەردە قازاق ءتىلىن ەكىنشى، ءۇشىنشى سورتقا قوياتىن ادەت ءالى ارىلماعان. ال، قازاقتىلدى اقپارات قۇرالدارى سول ورىسشا شىققان ماقالالاردى اۋدارۋمەن وتىراتىنى دا شىندىق.
سوڭعى رەسمي دەرەكتەرگە سۇيەنسەك، حالىقتىڭ 70 پايىزدان استامى قازاق! قولدانىس ءتىلى قازاق ءتىلى. سول حالىقتىڭ قىزمەتشىسى بولۋعا ءتيىس ۇكىمەت پەن مينيسترلەر نەگە بوتەن مەملەكەتتىڭ تىلىندە سويلەيدى؟ ولار سوندا قاي مەملەكەتتىڭ مينيسترلەرى؟
الدە، سونى تالاپ ەتە الماي وتىرعان ءوزىمىزدىڭ سورلىلىعىمىز با؟
قازىر الەۋمەتتىك ماسەلەلەردى كوتەرىپ وتىرعان قازاق ءتىلدى باق. فەيسبۋكتەگى پاراقشالارى ارقىلى بۇكىل قوعامعا اسەر ەتە الاتىن قازاق ءتىلدى بلوگەرلەر قانشاما. بىراق، رەسمي بيلىك رەسمي ءتىلدى جۋرناليستەر مەن بلوگەرلەرگە جاۋاپ بەرۋگە قۇمار. ورىس تىلىندە ايتسام، جازسام ءبارى وقيدى دەگەن كەڭەستىك قۇلدىق سانادان ءالى ارىلماعان.
قوش، اتى-شۋلى مينيستر نە دەپتى بەيمالىم بلوگەرگە؟ ءمادينا ابىلقاسىموۆا قايعىلى وقيعاعا وراي بىلاي دەپ اعىنان جارىلىپتى.
«بۇل قايعىلى وقيعا تەك ءبىر عانا وتباسىنىڭ ەمەس، بارشا حالىقتىڭ قابىرعاسىن قايىستىرىپ، جۇرەگىنە جارا سالدى. بارلىق تۋىستارى مەن اتا-اناسىنا قايعىرا كوڭىل ايتامىن. مەن دە انامىن، قانداي قيىن ەكەنىن بىلەمىن، بۇل – ورنى تولماس قازا. جاراتقان وتباسىنا جار بولسىن.
وسىعان بايلانىستى ءبىزدىڭ مينيسترلىك الداعى ۋاقىتتا قوسىمشا الەۋمەتتىك كومەك پەن تۇرعىن ۇيگە قاتىستى كومەگىن ۇسىنادى. الەۋمەتتىك جاعدايى تومەن بارلىق وتباسىعا ءتيىستى كومەك كورسەتىلەتىن بولادى».
مادينا حانىمنان سۇحبات العان دەنيستىڭ پاراقشاسىنا كىردىك. سويتسەك، دەنيسىمىز ء"بىز نە ءۇشىن كوپبالالى انالارعا تەگىن پاتەر بەرۋىمىز كەرەك" دەپ حالىققا تەپسىنىپتى. اينالايىن، دەنيسجان ونى شەشەتىن ءسىز بەن ءبىز ەمەس. جانە ساعان سۇحبات بەرىپ وتىرعان مينيستر حانىمىڭنىڭ دا قولىنان كەلە قويماس.
ونى شەشەتىن حالىق. قازاقتا "كوپ قورقىتادى، تەرەڭ باتىرادى " دەگەن ءسوز بار. "حالىق قالاسا حان تۇيەسىن سويادى" دەگەن ماقالدى دا وسى سەن تۇراتىن مەملەكەتتىڭ يەلەرى ايتقان. سوندىقتان ء"بىز نەگە پاتەر بەرۋىمىز كەرەك دەپ" مەملەكەتتىڭ اتىنان سويلەگەنشە، نەگە ءبىز ولارعا بەرمەۋىمىز كەرەك دەگەنىڭ دۇرىس بولار ەدى.
ءبىز رەسمي بيلىك ءورىستىلدى باق-قا سۇحبات بەرۋگە نەگە قۇمار دەگەن سۇراقتى قوعامداعى ورنى مەن ويى بار ازاماتتارعا قويىپ ەدىك.
ماكسيم سپوتكاي، "نۇر-مەديا" حولدينگى باس ديرەكتورىنىڭ ورىنباسارى:
بۇقارالىق اقپارات قۇرالدارىنىڭ تيىمدىلىگىن تەكسەرۋ كەرەك. الەۋمەتتىك ماسەلەلەردىڭ كوبى قازاقتىلدى اۋديتوريا كوتەرەدى. ياعني ولارعا تىكەلەي جاۋاپ بەرۋ كەرەك. ول ءۇشىن جالعىز قۇرال – قازاقتىلدى باق پەن قازاقتىلدى بلوگەرلەر. قازاقتىلدى اۋديتورياعا ءورىستىلدى باق ارقىلى جاۋاپ بەرۋدىڭ قاجەتى جوق. تيىمدىلىك جوق. ماقساتتىق اۋديتورياسى باسقا. قازاقتىلدى باققا سۇحباتتى بەرسە شىن مانىندە اسەر بولادى. ەكىنشى ماسەلە – ءورىستىلدى باق مىقتى دەگەن كەڭەس زامانىندا قالىپتاسقان قاعيدالاردىڭ ءبىرى. جاعدايدى وزگەرتۋىمىز كەرەك. قازاقتىلدى اۋديتوريا وسۋدە. ول فاكت. ونى دا ەسكەرتۋىمىز كەرەك
ەرمۇرات باپي، جۋرناليست
قازاق قوعامى ءۇشىن تراگەديالىق سۇراق. سەبەبى، بىزدەگى مەملەكەتتىك جيىنداردىڭ 95 پايىزى ورىسشا وتەدى. ونى وتكىزەتىن كىم؟ پرەزيدەنت. سوندىقتان ءبىز قوعام بولىپ تالاپ ەتۋىمىز كەرەك. تالاپ قويۋىمىز قاجەت. تاعايىنداپ وتىرعان ادام كەرەك قىلماعان قازاق ءتىلىن مينيسترلەر كەرەك قىلسىن با؟
قانات ابىلقايىر، Abai.kz اقپاراتتىق پورتالىنىڭ باس رەداكتورى:
بيلىكتەگى شەندىلەردىڭ باسىم بولىگى مەملەكەتتىك تىلدە ەركىن وي پىكىرىن بىلدىرە المايدى. سوندىقتان ورىس ءتىلدى باق-قا سۇxبات بەرۋگە قۇمار. مەملەكەتتىڭ 82 پايىزى قازاق ءتىلىن بىلەتىنىن 2009 جىلعى ساناق دالەلدەپ بەرگەن بولاتىن. ال، ءبىزدىڭ مينيسترلەر وسىدان ون جىل بۇرىنعى وسى 82 پايىزعا دا كىرە الماي وتىرعانى - ابسۋرد. بۇل - ءبىر.
ەكىنشىدەن، مەملەكەتتىڭ قالتاسىنان قارجىلاندىراتىن قانشاما اقپارات قۇرالدارى بولا تۇرا، ءمينيستردىڭ بلوگەرگە سۇحبات بەرۋى وزىمبىلەمدىككە سالىنۋ ءھام قازاق قوعامىنا جاساعان قارسىلىعى دەپ تانۋعا بولادى. مۇنىڭ تاعى باسقا قىرى بار. ابىلقاسىموۆا رەسمي اقپارات قۇرالدارىنا شىقسا، ونىڭ ايتقان ءسوزىن مەملەكەتتىڭ ناقتى پوزيتسياسى دەپ ۇعۋعا بولار ەدى. استاناداعى قايعىلى وقيعا وتكەلى 3 كۇن بولدى، مەملەكەت ناقتى پوزيتسياسىن ءالى انىقتاي الماي وتىرعان سياقتى. مەملەكەت ناقتى پوزيتسياسىن ناقتىلاي الماعاندىقتان، ەرتەڭ وزدەرى سىتىلىپ شىعىپ كەتەر جولدى تاڭداپ، بلوگەرلەردى قۇتىرتىپ وتىر دەپ سانايمىن.
ۇشىنشىدەن، 3 كۇن بويى ءبىزدىڭ شەنەۋنىكتەر بۇل ماسەلەدە ناقتى پوزيتسياسىن ءالى انىقتاي الماي وتىرعانى جۇيەنىڭ تىعىرىققا تىرەلگەندىگىنىڭ بەلگىسى. قازىر بىرەسە توتەنشە جاعداي قىزمەتىن، بىرەسە اتا-انانى، بىرەسە ءۇيدى جالعا بەرۋشىلەردى كىنالى جاساماققا تالپىنىس بايقالادى. بۇل ءۇش جول - xالىقتى اشىندىراتىن جول. سونى بىلە تۇرا، نەلىكتەن بيلىكتەگىلەردىڭ مۇنداي قادامعا بارىپ جاتقانىن ءتۇسىنۋ قيىن.
رۋسلان ەربول، "جاس الاش" گازەتىنىڭ باس رەداكتورى:
سەبەبى، قازاقستان تاۋەلسىز مەملەكەت دەگەنگە وزدەرى ونشا سەنبەيدى!
وڭعار قابدەن
"ادىرنا" ۇلتتىق پورتالى
