"اۋزىما كونياك قۇيدى": شىمكەنتتە جاس قىزدى الىپ قاشقان جىگىت قورلىق كورسەتكەن
"18-نەن سول 31-نە دەيىن سول ۇيدە بولدىم. ولار مەنى جىنىستىق قاتىناسقا تۇسۋگە زورلادى. شەشەسى مەن بالاسى ەكەۋى. اۋزىما قيناپ كونياكتى دا قۇيىپ، "ەسىڭدى بىلمەسەڭ ءبارى جاقسى بولادى" دەدى. اياعىمنان سۇيرەپ جاتقىزدى. قىزدىعىمدى الدى", - دەگەن ارۋ سۇلتان ەسىمدى جىگىتپەن قالاي تانىسقانىن ايتىپ بەردى.
اياجان (قىزدىڭ اتى وزگەرتىلگەن - رەد) داياشى بولىپ جۇرگەنىندە، سۇلتانمەن تانىسۋعا ۇلكەن اعا-اپالار سەبەپ بولىپتى.
جاس جىگىت كافەگە بىرنەشە كۇن كەلگىشتەپ ءجۇرىپ، اقىر اياعىندا قىزدى الىپ قاشقان.
سونداي-اق، جاس قىز ۇيىنە قاشىپ كەتۋگە قورىققانىن، ءماجبۇرلى تۇردە ء"وز ەركىممەن قالدىم" دەپ حات جازعانىن جاسىرمادى.
اياجان ءۇشىنشى قاباتتان قۇلاعاندا كورشىلەرى اۋرۋحاناعا الىپ كەلگەن. ال سۇلتان مەن ونىڭ تۋىستارى قىزدىڭ اناسىنا، ارىستاعى ۇيىنە بارىپ قوقان-لوققى جاساعان.
بويجەتكەننىڭ اناسىنىڭ ايتۋىنشا، جىگىتتىڭ اكەسى "وتباسىڭدى جينا", "ماسقاراڭدى شىعارام", "قىزىڭ كونياكتى، اراقتى ءوزى سۇراپ ىشكەن", "ول قىز بولماي كەلگەن", - دەگەن سوزدەرمەن قورقىتىپتى.
سونىمەن قاتار، جاس قىزدىڭ كۇيەۋى ءتارتىپ ساقشىلارىنا "تەرەزە جۋىپ جاتىپ قۇلاپ كەتتى" دەپ تۇسىنىكتەمە بەرگەن. ىسكە ادۆوكات ارالاسقاننان كەيىن عانا ء"وز-وزىنە قول سالۋ" بابى بويىنشا ءىس قوزعالعان.
ء"وز-وزىنە قول جۇمساماقشى بولعان 19 جاسار قىزدىڭ ىسىنە قاتىستى قىلمىستىق كودەكستىڭ قوسىمشا 120-شى بابى "زورلاۋ" جانە 126-شى "زاڭسىز باس بوستاندىعىنان ايىرۋ" باپتارى بويىنشا تەرگەپ-تەكسەرۋ امالدارى جۇرگىزىلۋدە", - دەيدى شىمكەنت قالاسى پوليتسيا دەپارتامەنتىنىڭ ءباسپاسوز حاتشىسى اسەل سادەنوۆا.
قازىرگى ۋاقىتتا ابدەن قورلىق كوردىم دەگەن قىزدىڭ تۋىستارى سۇلتان مەن ونىڭ اناسىنىڭ ءالى بوستاندىقتا جۇرگەنىنە كۇيىنىپ، ولاردىڭ جازاعا تارتىلۋىن تالاپ ەتۋدە.
ەستەرىڭىزگە سالا كەتەيىك، بويجەتكەننىڭ ءۇشىنشى قاباتتان سەكىرىپ كەتكەنى جايلى اقپارات بىرنەشە كۇن بۇرىن جەلىدە تارالعان بولاتىن.
دەرەككوز: كتك ارناسى
