"Aýzyma konıak quıdy": Shymkentte jas qyzdy alyp qashqan jigit qorlyq kórsetken
"18-nen sol 31-ne deıin sol úıde boldym. Olar meni jynystyq qatynasqa túsýge zorlady. Sheshesi men balasy ekeýi. Aýzyma qınap konıakty da quıyp, "esińdi bilmeseń bári jaqsy bolady" dedi. Aıaǵymnan súırep jatqyzdy. Qyzdyǵymdy aldy", - degen arý Sultan esimdi jigitpen qalaı tanysqanyn aıtyp berdi.
Aıajan (qyzdyń aty ózgertilgen - red) daıashy bolyp júrgeninde, Sultanmen tanysýǵa úlken aǵa-apalar sebep bolypty.
Jas jigit kafege birneshe kún kelgishtep júrip, aqyr aıaǵynda qyzdy alyp qashqan.
Sondaı-aq, jas qyz úıine qashyp ketýge qoryqqanyn, májbúrli túrde "óz erkimmen qaldym" dep hat jazǵanyn jasyrmady.
Aıajan úshinshi qabattan qulaǵanda kórshileri aýrýhanaǵa alyp kelgen. Al Sultan men onyń týystary qyzdyń anasyna, Arystaǵy úıine baryp qoqan-loqqy jasaǵan.
Boıjetkenniń anasynyń aıtýynsha, jigittiń ákesi "Otbasyńdy jına", "Masqarańdy shyǵaram", "Qyzyń konıakty, araqty ózi surap ishken", "Ol qyz bolmaı kelgen", - degen sózdermen qorqytypty.
Sonymen qatar, jas qyzdyń kúıeýi tártip saqshylaryna "tereze jýyp jatyp qulap ketti" dep túsinikteme bergen. Iske advokat aralasqannan keıin ǵana "Óz-ózine qol salý" baby boıynsha is qozǵalǵan.
"Óz-ózine qol jumsamaqshy bolǵan 19 jasar qyzdyń isine qatysty qylmystyq kodekstiń qosymsha 120-shy baby "zorlaý" jáne 126-shy "zańsyz bas bostandyǵynan aıyrý" baptary boıynsha tergep-tekserý amaldary júrgizilýde", - deıdi Shymkent qalasy polıııa departamentiniń baspasóz hatshysy Ásel Sádenova.
Qazirgi ýaqytta ábden qorlyq kórdim degen qyzdyń týystary Sultan men onyń anasynyń áli bostandyqta júrgenine kúıinip, olardyń jazaǵa tartylýyn talap etýde.
Esterińizge sala keteıik, boıjetkenniń úshinshi qabattan sekirip ketkeni jaıly aqparat birneshe kún buryn jelide taralǵan bolatyn.
Derekkóz: KTK arnasy
