"Auzyma koniak qūidy": Şymkentte jas qyzdy alyp qaşqan jıgıt qorlyq körsetken
"18-nen sol 31-ne deiın sol üide boldym. Olar menı jynystyq qatynasqa tüsuge zorlady. Şeşesı men balasy ekeuı. Auzyma qinap koniakty da qūiyp, "esıŋdı bılmeseŋ bärı jaqsy bolady" dedı. Aiaǧymnan süirep jatqyzdy. Qyzdyǧymdy aldy", - degen aru Sūltan esımdı jıgıtpen qalai tanysqanyn aityp berdı.
Aiajan (qyzdyŋ aty özgertılgen - red) daiaşy bolyp jürgenınde, Sūltanmen tanysuǧa ülken aǧa-apalar sebep bolypty.
Jas jıgıt kafege bırneşe kün kelgıştep jürıp, aqyr aiaǧynda qyzdy alyp qaşqan.
Sondai-aq, jas qyz üiıne qaşyp ketuge qoryqqanyn, mäjbürlı türde "öz erkımmen qaldym" dep hat jazǧanyn jasyrmady.
Aiajan üşınşı qabattan qūlaǧanda körşılerı auruhanaǧa alyp kelgen. Al Sūltan men onyŋ tuystary qyzdyŋ anasyna, Arystaǧy üiıne baryp qoqan-loqqy jasaǧan.
Boijetkennıŋ anasynyŋ aituynşa, jıgıttıŋ äkesı "Otbasyŋdy jina", "Masqaraŋdy şyǧaram", "Qyzyŋ koniakty, araqty özı sūrap ışken", "Ol qyz bolmai kelgen", - degen sözdermen qorqytypty.
Sonymen qatar, jas qyzdyŋ küieuı tärtıp saqşylaryna "tereze juyp jatyp qūlap kettı" dep tüsınıkteme bergen. Iske advokat aralasqannan keiın ǧana "Öz-özıne qol salu" baby boiynşa ıs qozǧalǧan.
"Öz-özıne qol jūmsamaqşy bolǧan 19 jasar qyzdyŋ ısıne qatysty qylmystyq kodekstıŋ qosymşa 120-şy baby "zorlau" jäne 126-şy "zaŋsyz bas bostandyǧynan aiyru" baptary boiynşa tergep-tekseru amaldary jürgızılude", - deidı Şymkent qalasy polisiia departamentınıŋ baspasöz hatşysy Äsel Sädenova.
Qazırgı uaqytta äbden qorlyq kördım degen qyzdyŋ tuystary Sūltan men onyŋ anasynyŋ älı bostandyqta jürgenıne küiınıp, olardyŋ jazaǧa tartyluyn talap etude.
Esterıŋızge sala keteiık, boijetkennıŋ üşınşı qabattan sekırıp ketkenı jaily aqparat bırneşe kün būryn jelıde taralǧan bolatyn.
Derekköz: KTK arnasy
