ونىڭ پىكىرىنشە، سانكتسيا ىقپالىن بارلىق ەل، سونىڭ ىشىندە ورتالىق ازيا دا سەزىنەدى.
"رەسەي اگرەسسياسى ۋكرايناعا عانا ەمەس، باسقا ەلدەرگە دە ىقپال ەتىپ جاتىر. ءبىز س5+1 ەلدەرىنە جاڭا ساۋدا ارىپتەستىكتەرىن دامىتۋدى قولدايمىز. ورتالىق ازياداعى ارىپتەستەرىمىزبەن ايماق ەلدەرىمەن قالاي جۇمىس ىستەيتىنىمىز تۋرالى سويلەستىك. وعان 25 ميلليون دوللار بولدىك. سونىمەن بىرگە جاڭا جولدار مەن جاڭا ەكسپورتتىق نارىقتاردى ىزدەپ جاتىرمىز. ءبىز رەسەي سانكتسيالارىنىڭ سالدارى قانداي بولاتىنىن جاقسى تۇسىنەمىز", - دەپ جاۋاپ بەردى اقش مەملەكەتتىك حاتشىسى.
سونىمەن قاتار ەنتوني بلينكەن "رەسەي فەدەراتسياسى تاراپىنان ورتالىق ازياعا قاۋىپ ءتونىپ تۇرعان جوق پا؟" دەگەن سۇراققا دا جاۋاپ بەرىپ، ماسەلەگە توقتالدى.
ء"بىزدى الاڭداتىپ وتىرعان ماسەلە تەك رەسەيدىڭ ۋكرايناعا اگرەسسياسى جانە رەسەيدىڭ وندا جاساپ جاتقان بارلىق سۇمدىق ارەكەتى ەمەس، بۇۇ جارعىسىنىڭ نەگىزگى قاعيداتتارىنا قارسى اگرەسسياسى. ءبىزدىڭ پرينتسيپتەرىمىز بەيبىتشىلىك پەن تۇراقتىلىقتى ساقتاۋعا باعىتتالعان دەپ سانايمىز. سونىڭ ىشىندە ءسىزدىڭ ايماعىڭىزدا دا. سوندىقتان بارلىق ەلدىڭ بىرىگىپ، رەسەي اگرەسسياسىنا قارسى تۇرۋى ۋكراينانى قورعاۋ ءۇشىن عانا ەمەس، سونىمەن بىرگە وسى پرينتسيپتەر ءۇشىن ماڭىزدى. ەگەر ولار بۇزىلسا، رەسەي ءوز اگرەسسياسىن باسقا ەلدەرگە قارسى باعىتتاي الادى. سوندا كەيبىر ەلدەر رەسەيگە قاراپ، "رەسەيدىڭ قولىنان كەلسە، ءبىز دە ىستەي الامىز" دەپ ويلاۋى مۇمكىن. ءبىز مۇنى توقتاتۋىمىز كەرەك. سوندىقتان بارلىق ەل جينالىپ، "جوق" دەۋى ماڭىزدى، - دەپ وي قورىتتى ەنتوني بلينكەن.
حاتشىنىڭ ايتۋىنشا، ول رەسەي فەدەراتسياسىنىڭ الداعى جوسپارلارى تۋرالى بىلمەيدى، بىراق ءبارى ۋكرايناداعى جاعدايدىڭ شەشىلۋىنە بايلانىستى ەكەنىنە سەنىمدى.
"رەسەيدىڭ قانداي دا ءبىر يدەيالارى مەن جوسپارلارى تۋرالى ناقتى ايتا المايمىن، ءبارى ۋكراينادا بولىپ جاتقان جاعدايعا بايلانىستى. بىراق ءبىز ءبارىمىز بىرگە رەسەي بۇزىپ وتىرعان پرينتسيپتەردى قورعاۋعا ءتيىسپىز جانە بۇل بىزگە بەيبىت ءومىر سۇرۋگە مۇمكىندىك بەرەدى" - دەدى ەنتوني بلينكەن.
ەنتوني بلينكەننىڭ قازاقستانعا كەلەتىنى 24 اقپاندا بەلگىلى بولدى. بۇدان كەيىن سىرتقى ىستەر مينيسترلىگى مەن اقش مەملەكەتتىك حاتشىسىنىڭ بىرلەسكەن فوتوعا ءتۇسۋ ءراسىمى وتكەنى حابارلانعان ەدى.
"ادىرنا" ۇلتتىق پورتالى
