"بالانىڭ قازاقشا بىلمەۋى قاسىرەت". ءتىل تاعدىرى مەن ەل تاعدىرىنا قاتىستى ءوز ۇستانىمىن ء"ساراسوز" باعدارلاماسىندا ۇلتتىق ايەلدەر كەڭەسىنىڭ توراعاسى ءنازيپا شاناي كەسىپ تە كوسىپ تە ايتتى، دەپ حابارلايدى "ادىرنا" ۇلتتىق پورتالى.
پەرزەنت تاعدىرىنا عانا ەمەس، ۇلت تاعدىرىنا اسا جاۋاپكەرشىلىكپەن قاراۋدى مۇرات ەتكەن قاراپايىم قازاق ايەلى، ۇلتتىق ايەلدەر كەڭەسىنىڭ توراعاسى ءنازيپا شاناي "انانىڭ ءتىلىنىڭ بالانىڭ تىلىنە" اينالاتىنىن ەسكەرتىپ، ۇلت ۇيىتقىسىن ساقتايتىن، الدىمەن، بەسىكتە بالا بولەگەن انالار ەكەنىن مالىمدەدى. Cوندىقتان ءاربىر بالا تاربيەلەگەن اتا-انانىڭ موينىندا زور جاۋاپكەرشىلىك بار ەكەنىن ەسكەرتتى.
- ءار وتباسىنىڭ اناسى مەن اجەسى سول شاڭىراقتاعى قازاق ءتىلىنىڭ ۇستازى بولماسا، بالالار انا تىلىندە سويلەمەيدى. مەنىڭ ءوز ءومىرىم سوعان دالەل. مەن انا بولعاندا ءبىر دۇنيەنى ۇقتىم. ەگەر مەن سويلەمەسەم، مەنىڭ بالالارىم ەشقاشان انا تىلىندە سويلەپ كەتپەيدى، - دەدى باعدارلاما قوناعى.
و0ىرماندار وتباسىن عانا ەمەس، ۇلتىن ويلاعان اناعا قاتىستى:
"ۇلى ءۇشىن ەمەس ،ۇلت بولاشاعى ءۇشىن الاڭداعان ەلجاندى انا! ورىسقا تابىناتىن كەزدى قويۋ كەرەك. نە قازاق ەمەس، نە ورىس ەمەس، ءدۇبارا ۇرپاقتىڭ بولاشاعى بۇلىڭعىر", "كەلىسەم، 100% اناسىنىڭ ءتىلى قانداي بولسا، بالاسىڭىڭ ءتىلى سولاي شىعادى. انا ەلدى تاربيەلەيدى، اكە ەردى تاربيەلەيدى دەگەن ەكەن", ء"وزىنىڭ ءتىلىن مەنسىنبەيتىن، بالالارىمەن، نەمەرەلەرىمەن ورىسشا سويلەسەتىن، سونى ماقتان كورەتىن اتا-انالار، اتا- اجەلەر بالالارىنىڭ بولاشاعىن ويلامايتىندار، ءتىلدىڭ، جەردىڭ، ەلدىڭ كيەسىنەن قورىقپايتىندار! قازاقتىڭ جەرىندە تۇرىپ، سۋىن ءىشىپ، نانىن جەپ، ءتىلى كەرەك ەمەس دەپ سانايتىن تەكسىزدەر!" دەپ جارىسا جازدى.
"ادىرنا" ۇلتتىق پورتالى
