6 ناۋرىزدا جسدپ-دان قر پارلامەنتى ءماجىلىسىنىڭ دەپۋتاتتىعىنا پارتيا ءتىزىمى بويىنشا كانديداتتار نۇرلان اۋەسباەۆ، اجار ساعاندىقوۆا جانە بىرمانداتتىق ايماقتىق وكرۋگ بويىنشا كانديدات ازامات حايسين «ەكىباستۇز 1-ماەس» جشس جۇمىسكەرلەرىمەن كەزدەستى.
«جىلىتۋ ماۋسىمىنىڭ ەڭ قىزعان شاعىندا ەكىباستۇزداعى جەو-دا ورىن العان قايعىلى اپات – ەلىمىزدىڭ ەنەرگەتيكالىق جۇيەسىنىڭ بۇگىنگى جاي-كۇيى»، - دەپ اتاپ ءوتتى ءوز سوزىندە نۇرلان اۋەباەۆ.
كانديداتتار جەو-داعى كەزەك كۇتتىرمەيتىن ماسەلەلەردى، سونداي-اق بيلىكتىڭ اپاتتان كەيىن ءىس-قيمىلدارىن تالقىلادى. سونىمەن قاتار، كەزدەسۋ بارىسىندا پارتيانىڭ سايلاۋالدى باعدارلاماسىنىڭ باسىم باعىتتارى باياندالدى.
