ءبارى وتكىنشى! قابىرعالى قازاق ەجەلدەن بىلەدى بۇنى. گرەكتەر اققان سۋعا قايتا تۇسپەسىن ۇعىنعاننان بۇرىن. پروتۇرىكتەر وتكەن ۋاقىت-باتقان كۇنگە قاراپ جوقتاۋ ايتقان...
بۇل بيلىك اۋىسادى! ول اقيقات! ەشكىم ماڭگىلىك ەمەس! اتاتۇرىكتىڭ قاسىندا جۇرگەن "فوكستار" دا ۇمىتىلادى. تەك ءبىز وسىعان دايىنبىز با؟ ۇزاق بيلىك-ۇلتتىق داعدارىسقا الىپ كەلدى!
ەڭ ءبىرىنشى، قازاقي جانە ورىس ءتىلدى الەمنىڭ مايدانى بوي كورسەتۋدە. بۇل ەرتەڭ دنر-داي قىڭىر ويىندارعا ۇلاسۋى ابدەن مۇمكىن.
ەكىنشى، مەملەكەتتىك ءتىل ەكىنشى دارەجەلى، قاۋساعان اربانىڭ بەسىنشى دوڭگەلىگىنە اينالدى. بۇعان بيلىك ءشارى استانادا كوز جەتكىزۋگە بولادى. وسى سوزىلمالى اۋرۋىمىز-كور باسى بولۋى مۇمكىن.
ءۇشىنشى، مەملەكەتتىك جابايى بولىستەن تىس قالعان قازاق ۇلتى بۇگىن ەسە سۇراۋدا. بۇل بار توڭكەرىستىڭ، ازامات سوعىسىنىڭ باسى!
ءتورتىنشى، الەۋمەتتىك شيەلەنىستى ماسەلەلەر شيرىعىپ بارىپ شيقاندى-سويقاندى كۇنگە جەتكىزدى. كوپ بالا مەن كوك قارا تەكە تىرەسى مارەگە شىقتى.
بەسىنشى، قازاق-وسى ەلدىڭ زاڭدى قوجاسى ەكەنىنە سەنىپ كەلەدى!
بۇل قۇزداردىڭ قۇلاۋىنا جول اشادى. باتىسىمىز شىعىس بولۋدا.
التىنشى، بىزدەگى اسىرە ءدىنشىل، باسقارىلۋ ءپۋلتى سىرتتاعى "مومىن" مۇمىندەر ءسوز توسۋدا!
جەتىنشى، ءبىز شيكىزات ساتۋشى كەمباعال ەلگە اينالىپ، نارىقتان تىس قالدىق.
بۇل ءوز كەزەگىندە زات ءوندىرۋ قابىلەتىمىزدەن ايىرىپ، "ينەگە وتىرىپ قالۋعا" جەتكىزدى.
سەگىزىنشى، ۇزاق ۋاقىت ايىرباسسىز قالعان قوعام، ىزالىلار كەلىسىمسىز نارازىلارعا تولى، بىرىگۋى از، مۇراتى ارىق الەۋمەتتى تۋدىردى.
توعىزىنشى، مەملەكەت كەشەندى يدەولوگيا جاساي المادى.
ءبىر ادامعا تابىنعان مەملەكەت-سول ادام ولگەندە رۋحاني داعدارىسقا ۇشىرايدى. قاراپايىم حالىق اربادان ارى، كوشتەن كەيىن قالدى. وزىنە قول سالۋ، ىشكىلىك ت.ب. دەرتتەر جاس بۋىننىڭ بيلىك دالىزىندە وسپەۋىنەن، ماراپاتسىزدىعىنان شىعادى!
ونىنشى، كۇشپەن بيلىككە كەلگەندەر-اقىلمەن باسقارا الا ما؟
كەتكەن بيلىك سوڭىنان وركەندەگەن ەلدىڭ قالعانىن قالامايدى! وسى قاۋىپتەر بەل السا، بۇگىنگى كۇننىڭ شويىنقۇلاقتارى رەسەي، نە قىتاي ارالاسۋىمەن قايتا كەلۋى مۇمكىن! وندا-قانجىعادا جولىعامىز!
بۇل بيلىك كەتەدى! ال ءبىز-دايىنبىز با؟
سەرىك ەلىكباي
"ادىرنا" ۇلتتىق پورتالى
