Bärı ötkınşı! Qabyrǧaly qazaq ejelden bıledı būny. Grekter aqqan suǧa qaita tüspesın ūǧynǧannan būryn. Protürıkter ötken uaqyt-batqan künge qarap joqtau aitqan...
Būl bilık auysady! Ol aqiqat! Eşkım mäŋgılık emes! Atatürıktıŋ qasynda jürgen "Fokstar" da ūmytylady. Tek bız osyǧan daiynbyz ba? Ūzaq bilık-ūlttyq daǧdarysqa alyp keldı!
Eŋ bırınşı, qazaqi jäne orys tıldı älemnıŋ maidany boi körsetude. Būl erteŋ DNR-dai qyŋyr oiyndarǧa ūlasuy äbden mümkın.
Ekınşı, memlekettık tıl ekınşı därejelı, qausaǧan arbanyŋ besınşı döŋgelıgıne ainaldy. Būǧan bilık şärı Astanada köz jetkızuge bolady. Osy sozylmaly auruymyz-kör basy boluy mümkın.
Üşınşı, memlekettık jabaiy bölısten tys qalǧan qazaq ūlty bügın ese sūrauda. Būl bar töŋkerıstıŋ, azamat soǧysynyŋ basy!
Törtınşı, äleumettık şielenıstı mäseleler şiryǧyp baryp şiqandy-soiqandy künge jetkızdı. Köp bala men kök qara teke tıresı märege şyqty.
Besınşı, qazaq-osy eldıŋ ZAŊDY QOJASY EKENINE SENIP KELEDI!
Būl qūzdardyŋ qūlauyna jol aşady. Batysymyz Şyǧys boluda.
Altynşy, bızdegı äsıre dınşıl, basqarylu pultı syrttaǧy "momyn" mümınder söz tosuda!
Jetınşı, bız şikızat satuşy kembaǧal elge ainalyp, naryqtan tys qaldyq.
Būl öz kezegınde zat öndıru qabyletımızden aiyryp, "inege otyryp qaluǧa" jetkızdı.
Segızınşı, ūzaq uaqyt aiyrbassyz qalǧan qoǧam, yzalylar kelısımsız narazylarǧa toly, bırıguı az, mūraty aryq äleumettı tudyrdy.
Toǧyzynşy, memleket KEŞENDI İDEOLOGİIа jasai almady.
Bır adamǧa tabynǧan memleket-sol adam ölgende ruhani daǧdarysqa ūşyraidy. Qarapaiym halyq arbadan ary, köşten keiın qaldy. Özıne qol salu, ışkılık t.b. dertter jas buynnyŋ bilık dälızınde öspeuınen, marapatsyzdyǧynan şyǧady!
Onynşy, KÜŞPEN BİLIKKE KELGENDER-AQYLMEN BASQARA ALA MA?
Ketken bilık soŋynan örkendegen eldıŋ qalǧanyn qalamaidy! Osy qauıpter bel alsa, bügıngı künnıŋ Şoiynqūlaqtary Resei, ne Qytai aralasuymen qaita keluı mümkın! Onda-qanjyǧada jolyǧamyz!
Būl bilık ketedı! Al bız-daiynbyz ba?
Serık Elıkbai
"Adyrna" ūlttyq portaly
