ولاردىڭ ماقساتى - ەلوردانى باعىندىرۋ عانا ەمەس، تۋعان جەردەگى ونەركاسىپتى وركەندەتۋ

6957
Adyrna.kz Telegram

بىرنەشە جىلدان بەرى قوستاناي اۆتوكولىك كوللەدجى Allur كومپانياسىنا قاجەتتى كادرلاردى دايىندايتىن ۇستاحاناعا اينالعان. سەبەبى، وسى ماماندىقتى تاڭداعان جاس دارىندار بۇل سالاعا قىزىعۋشىلىق تانىتىپ قانا قويماي، ونىڭ دامۋىنا اتسالىسۋدا. ولاردىڭ ارمان-ماقساتى – ەلوردانى باعىندىرۋ عانا ەمەس، تۋعان جەرىندەگى ونەركاسىپتى وركەندەتۋ. ال بۇل وقۋعا قالاي تۇسۋگە بولادى، ءارى  تۇلەكتەرگە ارنالعان مۇمكىندىگى قانداي؟ بۇل تۋرالى قوستاناي كوللەدجىنىڭ 3 كۋرس ستۋدەنتى ازات ابىشەۆ ايتىپ بەردى.

«كولىكتەگى ەلەكتر جابدىقتارىن جوندەۋ جونىندەگى ەلەكتريك ماماندىعىن وقىپ جاتىرمىن. بىراق ماماندىعىم وسىمەن عانا شەكتەلىپ قالمايدى، ونىڭ اۋقىمى كەڭ. ويتكەنى ءبىزدىڭ وقۋ باعدارلامامىز ءاربىر ماماننىڭ نەگىزگى ءبىلىمدى الىپ شىعۋىنا نەگىزدەلگەن. ءارى  بىلىمىمىزدى شىڭداي ءتۇسۋ ءۇشىن تەوريامەن بىرگە پراكتيكانىڭ بولۋى دا ماڭىزدى. ول ءۇشىن بىزگە  زاۋىت قولداۋ كورسەتىپ،  كولىكتەر ورناتىلعان  كوللەدج زەرتحانالارىندا تاجىريبەدەن وتكىزەدى.  ودان باسقا، اۆتوكولىكتىڭ ماركاسىنا بايلانىستى ءارتۇرلى ستەندتەر بار. وسىلايشا، تىكەلەي زاۋىتتاعى تاجىريبەگە ارالاسا وتىرىپ، ءار مامان ءوز سالاسىن جەتىك مەڭگەرەدى. سوندىقتان بىزگە ونى قايتا ۇيرەنۋدىڭ قاجەتى جوق»، – دەيدى ستۋدەنت.

ول كوللەدجدى بىتىرگەننەن كەيىن ءوز ءومىرىن قالاداعى الدىڭعى قاتارلى ونەركاسىپ ورىندارىنىڭ بىرىندە جالعاستىرعىسى كەلەدى.

– وسى جىلى وندىرىستىك تاجىريبەدەن وتپەكشىمىن. سول جەردە ءوزىمدى جاقسى قىرىمنان كورسەتىپ، بىلىكتى مامان ەكەنىمدى دالەلدەپ، Allur زاۋىتىندا جۇمىسقا قالماق ويىم بار. قازىر بايقاسام، ءوز ورتامداعى تانىستارىمنىڭ كوپشىلىگى وسى وقۋ ورنىنا ءتۇسۋدى قالايتىن بولعان. سەبەبى، بىزدە تەك تەوريا عانا ەمەس، تاجىريبەمىز دە بار. سوندىقتان زاۋىتتىڭ قولداۋىنىڭ ارقاسىندا كوللەدجىمىزدىڭ بەدەلى ءوسىپ، بىزگە تۇسكىسى كەلەتىندەردىڭ سانى ارتا تۇسكەن، – دەدى ازات.

قوستانايداعى كولىك قۇرىلىسىنىڭ زاۋىتىن تەحنيكالىق جاراقتاندىرۋدىڭ جوعارى دەڭگەيدە ەكەنىن ازات اتاپ ءوتتى.

«ءبىز زاۋىتتىڭ ءىشىن بىرنەشە رەت ارالاپ، تانىسىپ شىققانبىز. ءتىپتى، تاجىريبە وتكەنىمىزدە زاۋىت ءوندىرىسىنىڭ قانشالىقتى مىقتى ەكەنىنە كوزىمىز جەتكەن. بۇگىندە زاۋىت كوبىنە ۇساق-تۇيەك تەحنيكالالاردى قۇراستىرادى. ال بۇل وتە قيىن پروتسەسس. وعان قوسا قالادا ءجيى كورەتىن ەڭ تانىمال ماشينالار ءدال وسى جەردە، قوستانايدا جيناقتالادى. جالعىز مەن عانا ەمەس، دوستارىم دا قالادان كەتكىسى كەلمەيدى. كەرىسىنشە، ءوز قالامىزعا، بىزگە مۇمكىندىك بەرىپ وتىرعان زاۋىتقا قاجەت ەكەنىمىزدى بىلەمىز، سوندىقتان جاڭا مۇمكىندىكتەرگە جول اشايىق، ەلىمىزدى كوركەيتەيىك»، – دەدى ازات ابىشەۆ.

ايتا كەتەرلىك دۇنيە، تولىققاندى جۇمىسقا تۇرعان ستۋدەنتتەر قىزمەتتە ءوسىپ، باسەكەگە قابىلەتتى جالاقى، تولىق الەۋمەتتىك پاكەت، ترانسفەر جانە تەگىن تاماقپەن قامتاماسىز ەتىلەدى. سونىمەن قاتار، زاۋىت جاتاقحانانىڭ جاڭا فورماتتاعى كامپۋسىن سالۋمەن اينالىسپاق. زاۋىتتاعى جۇمىس ستۋدەنتتەردىڭ وقۋىنا كەدەرگى كەلتىرمەيدى. زاۋىتتىڭ كورپوراتيۆتىك ۋنيۆەرسيتەتىن دامىتۋ باعدارلاماسىندا ءوز داعدىلارىن، سونىڭ ىشىندە الەمنىڭ ۇزدىك اۆتوزاۋىتتارىندا ارتتىرۋعا مۇمكىندىك بەرىلەدى.

"ادىرنا" ۇلتتىق پورتالى 

 

پىكىرلەر