Bırneşe jyldan berı Qostanai avtokölık kolledjı Allur kompaniiasyna qajettı kadrlardy daiyndaityn ūstahanaǧa ainalǧan. Sebebı, osy mamandyqty taŋdaǧan jas daryndar būl salaǧa qyzyǧuşylyq tanytyp qana qoimai, onyŋ damuyna atsalysuda. Olardyŋ arman-maqsaty – elordany baǧyndyru ǧana emes, tuǧan jerındegı önerkäsıptı örkendetu. Al būl oquǧa qalai tüsuge bolady, ärı tülekterge arnalǧan mümkındıgı qandai? Būl turaly Qostanai kolledjınıŋ 3 kurs studentı Azat Äbışev aityp berdı.
«Kölıktegı elektr jabdyqtaryn jöndeu jönındegı elektrik mamandyǧyn oqyp jatyrmyn. Bıraq mamandyǧym osymen ǧana şektelıp qalmaidy, onyŋ auqymy keŋ. Öitkenı bızdıŋ oqu baǧdarlamamyz ärbır mamannyŋ negızgı bılımdı alyp şyǧuyna negızdelgen. Ärı bılımımızdı şyŋdai tüsu üşın teoriiamen bırge praktikanyŋ boluy da maŋyzdy. Ol üşın bızge zauyt qoldau körsetıp, kölıkter ornatylǧan kolledj zerthanalarynda täjıribeden ötkızedı. Odan basqa, avtokölıktıŋ markasyna bailanysty ärtürlı stendter bar. Osylaişa, tıkelei zauyttaǧy täjıribege aralasa otyryp, är maman öz salasyn jetık meŋgeredı. Sondyqtan bızge ony qaita üirenudıŋ qajetı joq», – deidı student.Ol kolledjdı bıtırgennen keiın öz ömırın qaladaǧy aldyŋǧy qatarly önerkäsıp oryndarynyŋ bırınde jalǧastyrǧysy keledı.
– Osy jyly öndırıstık täjıribeden ötpekşımın. Sol jerde özımdı jaqsy qyrymnan körsetıp, bılıktı maman ekenımdı däleldep, Allur zauytynda jūmysqa qalmaq oiym bar. Qazır baiqasam, öz ortamdaǧy tanystarymnyŋ köpşılıgı osy oqu ornyna tüsudı qalaityn bolǧan. Sebebı, bızde tek teoriia ǧana emes, täjıribemız de bar. Sondyqtan zauyttyŋ qoldauynyŋ arqasynda kolledjımızdıŋ bedelı ösıp, bızge tüskısı keletınderdıŋ sany arta tüsken, – dedı Azat.Qostanaidaǧy kölık qūrylysynyŋ zauytyn tehnikalyq jaraqtandyrudyŋ joǧary deŋgeide ekenın Azat atap öttı.
«Bız zauyttyŋ ışın bırneşe ret aralap, tanysyp şyqqanbyz. Tıptı, täjıribe ötkenımızde zauyt öndırısınıŋ qanşalyqty myqty ekenıne közımız jetken. Bügınde zauyt köbıne ūsaq-tüiek tehnikalalardy qūrastyrady. Al būl öte qiyn prosess. Oǧan qosa qalada jiı köretın eŋ tanymal maşinalar däl osy jerde, Qostanaida jinaqtalady. Jalǧyz men ǧana emes, dostarym da qaladan ketkısı kelmeidı. Kerısınşe, öz qalamyzǧa, bızge mümkındık berıp otyrǧan zauytqa qajet ekenımızdı bılemız, sondyqtan jaŋa mümkındıkterge jol aşaiyq, elımızdı körkeiteiık», – dedı Azat Äbışev.Aita keterlık dünie, tolyqqandy jūmysqa tūrǧan studentter qyzmette ösıp, bäsekege qabılettı jalaqy, tolyq äleumettık paket, transfer jäne tegın tamaqpen qamtamasyz etıledı. Sonymen qatar, zauyt jataqhananyŋ jaŋa formattaǧy kampusyn salumen ainalyspaq. Zauyttaǧy jūmys studentterdıŋ oquyna kedergı keltırmeidı. Zauyttyŋ korporativtık universitetın damytu baǧdarlamasynda öz daǧdylaryn, sonyŋ ışınde älemnıŋ üzdık avtozauyttarynda arttyruǧa mümkındık berıledı.
"Adyrna" ūlttyq portaly
