Májilis tóraǵasy Erlan Qoshanov «Betpe bet» baǵdarlamasynda Berik Ýálıge bergen suhbatynda eńbek adamdaryn qurmetteýimiz qajet ekenin aıtty, dep habarlaıdy “Adyrna” ulttyq portaly.
Habar 24 arnasynyń málimdeýinshe, Májilis spıkeri Prezıdent Joldaýynda aıtylǵan basty baǵyttardy saralap, negizgilerine toqtaldy. Sonymen qatar, Tórt túligin túletip ósirgen aýyl jurtynyń basty bazynasyna toqtaldy.
“Joldaýda aıtylǵan jer máselesiniń biri – jaıylym jerler memleketke qaıtaryla bastaǵan. Búginge deıin 3 myńǵa jýyq gektar jer memleket menshigine ótken. Bul máseleni Memleket basshysy halyqqa Joldaýynda shegelep aıtqanyn jetkizdi.
Prezıdent osy máselege kóp kóńil bólip júr. Jastardy eńbekke tartý máselesine. Bul elimizdegi qoǵamymyzdaǵy qordalanyp turǵan másele. Eńbekke birinshi yntalandyrý máselesi. Bizde jumys joq emes. Jumys bar. Oǵan ynta kerek. Mamandyq alý kerek. Soǵan adam ózi árekettený kerek. Osyny prezıdent aıtady. Mentalıtet ózgertýimiz kerek. Kórshi memlketterdiń azamattaryn qarasańyz olar arlanbaı Reseıge de baryp jumys isteıdi. Qurylys jasap ta óz otbasyn asyraıdy jáne memleket ekonomıkasyna da kóp kómektesip jatyr. Bizdiń Qazaqstanda da eńbekke osyndaı kózqaras bolý kerek. Keshegi amanat partııasyn sezinde de osy máseleni aıtqan. Ókinishke oraı qoǵam, úkimet, atqarýshy organdar Prezıdenttiń aıtqanyn ilip ákete almaı jatyrmyz. Úlken nasıhat jumysy kerek. Parlament depýtattary, úkimet músheleri, ákimder osyǵan basa nazar aýdaryp osymen aınalysý kerek. Soynń ishinde osy múmkindikti paıdalana otyryp ózińizdiń áriptesterińiz BAQ-da úlken róli óte zor. Jýrnalıstermen birigip osyny úlken ıdeologııaǵa aınaldyrýymyz qajet dep oılaımyn”, - dedi Májlis spıkeri.
Sondaı-aq Májilis tóraǵasy «Ulttyq qor – balalarǵa» baǵdarlamasyna da toqtaldy. Bul – Prezıdent tarapynan úlken qamqorlyq ekenin aıtty.
“Prezıdent jerdiń asty-ústindegi baılyqtyń halyqqa tıesili dep aıtqan bolatyn. Al endi ulttyq qor sol jer qoıynaýyndaǵy kiristerden túsken baılyqtardan quralady. Buny áleýmettik ádilettilik dep aıtýǵa bolady. Prezıdent aıtqan sózinde turatynyn taǵy da kórsetti. Bul bizdiń balalarymyz úshin, úlken ómirge daıyndalýy úshin úlken ómirge aıaq basatyn alǵashqy bir baspaldaǵy. Prezıdent tarapynan úlken qamqorlyq”,- dedi Parlamenti Májilisiniń tóraǵasy Erlan Qoshanov.
Ol sonymen qatar masyldyq pen eńbek adamynyń arasyn ajyrata bilý keregin aıtty.
“Men endi shynyn aıtsa óńirde qyzmet istegen kezde masyldyq bar jumysqa yntasy joq adamdardy kóp kezdestirdim. Kóbine ataýly áleýmettik kómekke ıek artyp alǵan. Soǵan telmirip otyrǵanyn da kórdim. Soǵan qarnymyz ashatyn sol kezde. Olarmen talaı sóılestik te biz. Sonda olar aıtady. Eger men jumys istesem kirisimiz kóbeıip áleýmettik kómekten aıyrylyp qalamyz ǵoı degen áńgimeni aıtqan azamattar da boldy. Endi biz osy psıhologııadan arylýymyz kerek. Eńbek adamdaryn qurmetteýimiz kerek - dedi ol.
”Adyrna” ulttyq portaly
