Mäjılıs töraǧasy Erlan Qoşanov bastaǧan Qazaqstan Parlamentınıŋ delegasiiasy Parlamentaralyq Odaqtyŋ 148-şı Assambleiasynyŋ kezektı otyrysyna qatysu üşın Jenevaǧa bardy.
Mäjılıs spikerı öz sözın juyrda Mäskeu oblysynda bolǧan terrorlyq şabuylǧa bailanysty Resei halqyna köŋıl aitudan bastady.
Erlan Qoşanov Parlamentaralyq Odaq Assambleiasynda söilegen sözınde «Parlamenttık diplomatiia: beibıtşılık pen özara tüsınıstık jolynda bailanys ornatu» atty kezdesu taqyrybynyŋ özektılıgı airyqşa ekenın atap öttı.
«Prezident Qasym-Jomart Toqaevtyŋ basşylyǧymen Qazaqstan ornyqty damuǧa jäne bükıl adamzattyŋ üilesımdı bolaşaǧyn qalyptastyruǧa öz ülesın qosyp keledı. Oǧan, äsırese, soŋǧy jyldary elımızde jürgızılıp jatqan auqymdy saiasi reformalar aiqyn dälel. Qazırgı kezde demokratiialyq el, ädılettı Qazaqstan qūru üşın barlyq jaǧdai jasalǧan. Būl – beibıtşılık pen örkendeudıŋ kepılı. Qazaqstan Parlamentı de būl jūmysqa belsene atsalysuda. Būdan bölek, elımızdıŋ iadrolyq, himiialyq jäne biologiialyq qaruǧa qarsy bastamalaryn, tūraqty türde ötkızılıp keletın Älemdık jäne dästürlı dınder köşbasşylarynyŋ sezderın erekşe atap ötuge bolady», – dedı Erlan Qoşanov.
Mäjılıs töraǧasy BŪŪ-nyŋ tūraqty damu maqsattaryn ılgerıletuge bükıl älem parlamentterınıŋ qatysuynyŋ maŋyzdylyǧyna nazar audaryp, Almatyda Ortalyq Aziia men Auǧanstan üşın BŪŪ-nyŋ Ornyqty damu jönındegı Öŋırlık ortalyǧyn qūru baǧytyndaǧy josparlary turaly aitty. Sondai-aq Ortalyq Aziia elderı äielderınıŋ dialogy men «TechnoWomen Central Asia» qoǧamdastyǧy alaŋdarynda ötkızıletın genderlık jūmysqa jeke toqtaldy.
– Deputattar halyqaralyq janjaldardyŋ aldyn alu jäne olardy retteu üşın parlamenttık diplomatiia tetıkterın qoldanu maŋyzdy ekenın qūptaidy. Jaqynda bız Parlamentte Qazaqstannyŋ bıtımgerşılık kontingentın Golan asularyna jıberu jönındegı şeşımdı maqūldadyq. Būl – Bırıkken Ūlttar Ūiymynyŋ mandaty boiynşa bızdıŋ bıtımgerlerımızdıŋ alǧaşqy derbes missiiasy. Būl Qazaqstannyŋ jahandyq qauıpsızdık pen tūraqtylyqqa qosqan ülesı dep bılemız, – dedı Erlan Qoşanov.
Mäjılıs töraǧasy halyqaralyq kölık-logistika yntymaqtastyǧyn damytu jönınde ūsynys aityp, Qazaqstan bükıl Euraziia qūrlyǧy boiynşa transkontinentaldyq tasymaldardy ärtaraptandyru baǧytynda tynymsyz jūmys ıstep jatqanyna nazar audardy. Osy oraida Orta dälızdıŋ naqty qūqyqtyq rejimın qūrudyŋ maŋyzy erekşe.
Mäjılıs spikerı Azyq-tülık qauıpsızdıgı jönındegı İslam Ūiymynyŋ jūmysyn mysal ete otyryp, azyq-tülık qauıpsızdıgı mäselelerıne män berdı. Su resurstaryn tiımdı paidalanu turaly aita kele, Mäjılıs töraǧasy Qazaqstan men Fransiia Prezidentterınıŋ bastamasymen Niu-Iorkte «One Water»
Parlamentaralyq Odaq Assambleiasy aiasynda Erlan Qoşanov Parlamentaralyq Odaqtyŋ Töraiymy Túliia Áksonmen kezdestı. Kezdesudıŋ basty taqyryby Qazaqstan Parlamentınıŋ Parlamentaralyq Odaqpen özara ıs-äreketın nyǧaitu boldy, onyŋ jūmysyna Mäjılıs deputattary belsene qatysuda.
– Saiasi, ekonomikalyq jäne gumanitarlyq bailanystarǧa järdemdesu üşın parlamenttık diplomatiia äleuetın paidalanu – elımızdıŋ Syrtqy saiasat tūjyrymdamasy basymdyǧynyŋ bırı. Bızdıŋ elımız jahandyq jäne öŋırlık deŋgeide beibıtşılıktı, qauıpsızdık pen ornyqty damudy qamtamasyz etude belsendı pozisiia ūstanady jäne oǧan eleulı üles qosyp otyr, – dedı Mäjılıs töraǧasy.
Öz kezegınde, Parlamentaralyq Odaq basşysy klimattyŋ özgeruı, demokratiia jäne adam qūqyqtary, beibıtşılık pen qauıpsızdık, genderlık teŋdık, jastardyŋ belsendılıgı men ornyqty damu siiaqty baǧyttar boiynşa Parlamentaralyq Odaq Assambleiasynyŋ qūramyndaǧy qazaqstandyq deputattardyŋ nätijelı jūmysyn atap öttı.
Äŋgıme soŋynda Erlan Qoşanov Túliia Áksondy Qazaqstanǧa resmi saparmen kelıp, 2025 jyly ötetın Älemdık jäne dästürlı dınder liderlerı Sezıne qatysuǧa şaqyrdy.
Parlamentaralyq Odaq Assambleiasynyŋ alaŋynda Mäjılıs töraǧasy Egipet Arab Respublikasy Ökılder Palatasynyŋ spikerı Hanafi Djebalimen jäne Päkıstan İslam Respublikasy Ūlttyq Assambleiasynyŋ töraǧasy Sardar Sadikpen kezdesuler ötkızdı. Erlan Qoşanov şeteldık ärıptesterıne Qazaqstanda jürgızılıp jatqan reformalar turaly mälımet berıp, olarmen parlamentaralyq diplomatiia baǧytyndaǧy yqpaldastyqtyŋ joldaryn talqylady.
Jenevadaǧy Parlamentaralyq Odaq Assambleiasynyŋ jūmysyna ūiymǧa müşe 150-den astam eldıŋ delegattary qatysty. Mäjılıs deputattary negızgı sessiiadan basqa tūraqty komitetterdıŋ, Aziia parlamenttık assambleiasynyŋ üilestıru kezdesuıne, paneldık pıkırtalastarǧa, sondai-aq äiel-parlamentşıler men jas deputattardyŋ forumdaryna qatysty. Būl sessiiada 2023 jyly Luandada Beibıtşılık jäne halyqaralyq qauıpsızdık mäselelerı jönındegı tūraqty komitettıŋ üş jylǧa töraǧasy bolyp sailanǧan Mäjılıs deputaty Aigül Qūspan öz mındetın atqaruǧa kırıstı.
Parlamentaralyq Odaq - 1889 jyly qūrylǧan eŋ ırı halyqaralyq parlamenttık ūiym. Oǧan 180 eldıŋ parlamentterı kıredı. Qazaqstan 1993 jyldan bastap Parlamentaralyq Odaq Assambleiasyna müşe.
Parlamentaralyq Odaq Assambleiasy parlamenttık diplomatiiaǧa yqpal etedı jäne parlamentter men parlamentşılerge bükıl älemde beibıt saiasatty, demokratiiany jäne tūraqty damudy ılgerıletu ökılettıkterın beredı.
Mäjılıstıŋ Baspasöz qyzmetı, 74-63-01. Surettı tüsırgen J.Jūmabekov.
