قوش بول، "قارا مايور"

2231
Adyrna.kz Telegram

بۇدان ءبىر كۇن بۇرىن قازاقستان قورعانىس ءمينيسترى نۇرلان ەرمەكباەۆ اسكەري اۋرۋحانادا جاتقان وتستاۆكاداعى پولكوۆنيك بوريس كەرىمباەۆتىڭ كوڭىلىن سۇراپ، وعان قازاقستان اسكەري بارلاۋىنا سىڭىرگەن ەڭبەگى ءۇشىن "التىن ۇكى" توسبەلگىسى مەن العىس حات تاپسىرعانى تۋرالى حابارلاعان ەدى.

بوريس توكەنۇلى كەرىمباەۆ 1948 جىلى 12 قاڭتاردا الماتى وبلىسى جامبىل اۋدانىندا دۇنيەگە كەلگەن. 1970 جىلى تاشكەنت جوعارى اسكەري ۋچيليششەسىن وقىپ بىتىرگەن سوڭ گەرمانياداعى سوۆەت اسكەرى قاتارىندا قىزمەتىن باستاعان.

1979 جىلى سوۆەت اسكەرى اۋعانستانعا باسىپ كىرگەننەن كەيىن بوريس كەرىمباەۆ سسسر قارۋلى كۇشتەرى باس شتابى باس بارلاۋ باسقارماسىنىڭ (گرۋ) ارنايى ماقساتتاعى 177-توبى ("ەكىنشى مۇسىلمان باتالونى") باسشىلىعىنا تاعايىندالىپ، اۋعان جەرىندەگى ارنايى اسكەري وپەراتسيالارعا قاتىسقان. اۋعانستاندا سوۆەت اسكەرىنە قارۋلى قارسىلىق تانىتقان مودجاحەدتەرمەن سوعىستا بوريس كەرىمباەۆ "قارا مايور" دەگەن لاقاپ اتىمەن تانىلعان. كەرىمباەۆتىڭ باتالونى 1982 جىلى اۋعانستاننىڭ پاندجشەر القابىندا ايگىلى دالا قولباسشىسى احماد شاح ماسۋدتىڭ كۇشتەرىنە قارسى تۇرعان. كەي دەرەكتەردە مودجاحەدتەر "قارا مايوردىڭ" باسىنا ميلليون دوللار تىككەنى ايتىلادى.

1983 جىلى جەلتوقساندا اۋعانستاننان الماتى ماڭىنداعى اسكەري بولىمگە اۋىسقاننان كەيىن بوريس كەرىمباەۆ ءار جىلدارى باتالون، پولك باسشىسى قىزمەتتەرىن اتقارعان. 1990 جىلداردىڭ باسىندا قازاق سسر ازاماتتىق قورعانىس شتابىنا جۇمىسقا اۋىسىپ، 1992 جىلى پولكوۆنيك شەنىندە وتستاۆكاعا شىققان.

پىكىرلەر