SSSR kezınde Auǧanstanda sovet küşterınıŋ arnaiy maqsattaǧy tobyn basqarǧan, "qara maior" laqap atymen äigılı Boris Kerımbaev 12 aqpanda 71 jasynda dünieden öttı.
Būdan bır kün būryn Qazaqstan qorǧanys ministrı Nūrlan Ermekbaev äskeri auruhanada jatqan otstavkadaǧy polkovnik Boris Kerımbaevtyŋ köŋılın sūrap, oǧan Qazaqstan äskeri barlauyna sıŋırgen eŋbegı üşın "Altyn ükı" tösbelgısı men alǧys hat tapsyrǧany turaly habarlaǧan edı.
Boris Tökenūly Kerımbaev 1948 jyly 12 qaŋtarda Almaty oblysy Jambyl audanynda düniege kelgen. 1970 jyly Taşkent joǧary äskeri uchilişesın oqyp bıtırgen soŋ Germaniiadaǧy sovet äskerı qatarynda qyzmetın bastaǧan.
1979 jyly sovet äskerı Auǧanstanǧa basyp kırgennen keiın Boris Kerımbaev SSSR qaruly küşterı bas ştaby bas barlau basqarmasynyŋ (GRU) arnaiy maqsattaǧy 177-toby ("ekınşı mūsylman batalony") basşylyǧyna taǧaiyndalyp, auǧan jerındegı arnaiy äskeri operasiialarǧa qatysqan. Auǧanstanda sovet äskerıne qaruly qarsylyq tanytqan modjahedtermen soǧysta Boris Kerımbaev "qara maior" degen laqap atymen tanylǧan. Kerımbaevtyŋ batalony 1982 jyly Auǧanstannyŋ Pandjşer alqabynda äigılı dala qolbasşysy Ahmad Şah Masudtyŋ küşterıne qarsy tūrǧan. Kei derekterde modjahedter "qara maiordyŋ" basyna million dollar tıkkenı aitylady.
1983 jyly jeltoqsanda Auǧanstannan Almaty maŋyndaǧy äskeri bölımge auysqannan keiın Boris Kerımbaev är jyldary batalon, polk basşysy qyzmetterın atqarǧan. 1990 jyldardyŋ basynda Qazaq SSR azamattyq qorǧanys ştabyna jūmysqa auysyp, 1992 jyly polkovnik şenınde otstavkaǧa şyqqan.
