الماتى وبلىسىنىڭ ءبىلىم باسقارماسى جانە «جاس دارىن» وبلىستىق وقۋ-ادىستەمەلىك ورتالىعىنىڭ ۇيىمداستىرۋىمەن «ۇلتتىق قۇندىلىعىن ۇلىقتاعان، اباي ىلىمىنەن ءنار العان جاستار – ەل دامۋىنىڭ قوزعاۋشى كۇشى» تاقىرىبىندا عىلىمي – پراكتيكالىق سەمينار ءوتتى.
عىلىمي - پراكتيكالىق سەميناردىڭ ماقساتى - وقۋشىلار بويىندا ۇلتتىق قۇندىلىقتى اباي ءىلىمىن نەگىزگە الا وتىرىپ دارىتۋ، وقۋشىلاردىڭ شىعارماشىلىعى مەن دارىندىلىعىن دامىتۋ.
شارا بارىسىندا رەسپۋبليكاداعى ىرگەلى وقۋ ورنى ءال-فارابي اتىنداعى قازاق ۇلتتىق ۋنيۆەرسيتەتى، يۋنەسكو قامقورلىعىنداعى حالىقارالىق مادەنيەتتەردى جاقىنداستىرۋ ورتالىعى مەن اباي اتىنداعى مامانداندىرىلعان گيمنازيا – ينتەرناتى عىلىمي-زەرتحانالىق، ادىستەمەلىك، تاجىريبەلىك، ارىپتەستىك، شىعارماشىلىق بايلانىستاردى نىعايتۋ ماقساتىندا بىرلەسكەن مەموراندۋمعا قول قويدى.
جيىن سوڭىندا «قاراگوز» دراما ۇيىرمەسىنىڭ جاس ونەرپازدارى «ءولدى دەۋگە بولا ما ايتىڭدارشى، ولمەيتۇعىن ارتىننا ءسوز قالدىرعان!» ساحنالىق قويلىمىن ەل نازارىنا ۇسىندى.
سونداي-اق، عىلىمي پراكتيكالىق – سەمينارعا قاتىسۋشىلار وبلىستىق ءبىلىم باسقارماسىنىڭ العىس حاتتارىمەن ماراپاتتالدى.
