Almaty oblysynyń bilim basqarmasy jáne «Jas daryn» oblystyq oqý-ádistemelik ortalyǵynyń uıymdastyrýymen «Ulttyq qundylyǵyn ulyqtaǵan, Abaı iliminen nár alǵan jastar – el damýynyń qozǵaýshy kúshi» taqyrybynda ǵylymı – praktıkalyq semınar ótti.
Ǵylymı - praktıkalyq semınardyń maqsaty - oqýshylar boıynda ulttyq qundylyqty Abaı ilimin negizge ala otyryp darytý, oqýshylardyń shyǵarmashylyǵy men daryndylyǵyn damytý.
Shara barysynda respýblıkadaǵy irgeli oqý orny Ál-Farabı atyndaǵy Qazaq ulttyq ýnıversıteti, IýNESKO qamqorlyǵyndaǵy Halyqaralyq Mádenıetterdi jaqyndastyrý ortalyǵy men Abaı atyndaǵy mamandandyrylǵan gımnazııa – ınternaty ǵylymı-zerthanalyq, ádistemelik, tájirıbelik, áriptestik, shyǵarmashylyq baılanystardy nyǵaıtý maqsatynda birlesken memorandýmǵa qol qoıdy.
Jıyn sońynda «Qaragóz» drama úıirmesiniń jas ónerpazdary «Óldi deýge bola ma aıtyńdarshy, Ólmeıtuǵyn artynna sóz qaldyrǵan!» sahnalyq qoılymyn el nazaryna usyndy.
Sondaı-aq, ǵylymı praktıkalyq – semınarǵa qatysýshylar oblystyq bilim basqarmasynyń Alǵys hattarymen marapattaldy.