ماحامبەت ءابجان اپەللياتسيالىق سوتتا جەڭىلدى

1740
Adyrna.kz Telegram

استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى جۋرناليست ماحامبەت ابجانعا قاتىستى ۇكىمدى وزگەرىسسىز قالدىردى، دەپ حابارلايدى «ادىرنا» ءتىلشىسى.

2023 جىلعى 3 اقپاندا سوت باق-تى پايدالانا وتىرىپ، ءىرى زالال كەلتىرۋگە اكەپ سوققان كورىنەۋ جالعان اقپارات تاراتۋ فاكتىسى بويىنشا (قك-ءنىڭ 274-بابىنىڭ 3-بولىگى) جانە اسا ءىرى مولشەردە بوپسالاۋ فاكتىسى بويىنشا (قك-ءنىڭ 194-بابى 4-بولىگىنىڭ 2) تارماعى) ابجانعا قاتىستى ۇكىم شىعارعان ەدى.

«ABZHAN NEWS» تەلەگرامم-كانالىنىڭ يەسى 2022 جىلدىڭ ماۋسىمىنان شىلدەسىنە دەيىن «استانا-وڭىرلىك ەلەكترجەلىلىك كومپانياسى» اكتسيونەرلىك قوعامداستىعى باسقارما توراعاسىنىڭ ورىنباسارى گ.قوجاباەۆقا، «استانا جىلۋ ءترانزيتى» باسقارما توراعاسىنىڭ ورىنباسارى ك.مۋكينگە جانە ر.ماحاتقا (جەكە كاسىپكەر) قاتىستى كورىنەۋ جالعان مالىمەتتەر جاريالاعان. سونداي-اق ر.ماحاتتان 50 ملن. تەڭگە سوماسىندا اقشا قاراجاتىن بوپسالاعان.

جۋرناليسكە قىلمىستاردىڭ جيىنتىعى بويىنشا توتەنشە قاۋىپسىزدىكتىڭ قىلمىستىق-اتقارۋ جۇيەسى مەكەمەسىندە جازاسىن وتەي وتىرىپ، 9 جىلعا باس بوستاندىعىنان ايىرۋ تاعايىندالدى.

ءابجاننىڭ ءىس-ارەكەتىنەن قاۋىپتى قىلمىستىڭ قايتالانعانى انىقتالدى.

«سوتتالعان ادام مەن ونىڭ قورعاۋشىلارى وسى ۇكىممەن كەلىسپەي، سوت اكتىسىنە اپەللياتسيالىق تارتىپپەن شاعىمدانىپ، ءابجاندى اقتاۋدى سۇرادى. سوت اكتىسىنىڭ كۇشىن جويۋعا نەمەسە وزگەرتۋگە نەگىز بولماعاندىقتان، ۇكىم وزگەرىسسىز قالدىرىلدى جانە زاڭدى كۇشىنە ەندى»،- دەپ ءتۇسىندىردى قالالىق سوت.

پىكىرلەر