2023 جىلدىڭ 11 ناۋرىزىندا 10-11 سىنىپ وقۋشىلارىنا ارنالعان «V التىن تۇلەك» وليمپياداسىنىڭ رەسپۋبليكالىق كەزەڭى ءوز مارەسىنە جەتتى. وليمپيادادا رەسپۋبليكامىزدىڭ 14 وڭىرىنەن 1875 وقۋشى باق سىناستى. ونىڭ ىشىندە 908 بالا 10 سىنىپ وقۋشىلارى، 967 بالا 11 سىنىپ وقۋشىلارى.
«V التىن تۇلەك» رەسپۋبليكالىق وليمپياداسى قر عىلىم جانە جوعارى ءبىلىم مينيسترلىگى جانە دارىن رەسپۋبليكالىق عىلىمي-پراكتيكالىق ورتالىعىنىڭ قولداۋىمەن وڭىرلەردەگى جوعارى وقۋ ورىندارىنىڭ بازاسىندا وتكىزىلدى.
جوعارى وقۋ ورىندارى پەداگوگيكالىق، تەحنيكالىق ماماندىقتارعا گرانت (57 گرانت) ءبولۋ ارقىلى «التىن تۇلەك» وليمپياداسىنىڭ مارتەبەسىن اسقاقتاتتى. سونىمەن قاتار 2 شەتەل گرانتى تابىستالدى.
رەسپۋبليكا بويىنشا ەڭ جوعارى ۇپايدى يەلەنگەن استانا قالاسىنداعى ا. بايتۇرسىنۇلى ات. BINOM مەكتەبىنىڭ 11 سىنىپ وقۋشىسى جاناحمەتوۆ انسارعا CYPRUS SCIENCE UNIVERSITY گرانتى جانە تۇركىستان وبلىسى كەنتاۋ قالاسى دارىن مەكتەبىنىڭ 11 سىنىپ وقۋشىسى كاميلحانوۆ ابدۋساماتقا Istanbul Aydin Univercity گرانتى تابىستالدى.
سونىمەن قاتار رەسپۋبليكا بويىنشا ق.ي. ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ گرانتىن استانا قالاسىنداعى №93 مەكتەپ ليتسەيىنىڭ 11 سىنىپ وقۋشىسى بايجۇما ايبەك يەلەنسە، الماتى قالاسىنداعى №173 مەكتەپ-ليتسەيىنىڭ 11 سىنىپ وقۋشىسى ايداباي ايعانىمعا Suleyman Demirel University (سدۋ) گرانتى بۇيىردى.
قازاقستان-بريتاندىق تەحنيكالىق ۋنيۆەرسيتەتىنىڭ (كبتۋ) گرانتىن اقتوبە قالاسىنداعى «ءبىلىم» مەكتەبىنىڭ 11 سىنىپ وقۋشىسى سلامعاليەۆ ەركىن قانجىعاسىنا بايلادى.
ماراپاتتاردى تابىستاۋ راسىمىنە جوعارى وقۋ ورىندارىنىڭ باسشىلارى مەن ايماقتىق «دارىن» ورتالىقتارىنىڭ ديرەكتورلارى قاتىستى.
وليمپيادا قاتىسۋشىلارىنا ۋنيۆەرسيتەت تاراپىنان كاسىپتىك باعدار جۇمىستارى دا جۇرگىزىلىپ، اۋقىمدى اقپاراتتار بەرىلدى.
