قر پارلامەنتى ءماجىلىسىنىڭ دەپۋتاتى ەرلان ستامبەكوۆ سايلاۋدا جەڭىلىس تاپقان دەپۋتاتتىققا ۇمىتكەر سانجار بوقاەۆتىڭ ءتىل تيگىزگەنىن ايتىپ، قورلادى دەپ شاعىمدانىپ بەينەۇندەۋ جاسادى. ايتۋىنشا، قازىر وعان جالعان ءسوز، جالا جابۋ، قورلاۋ سيپاتىنداعى نەگىزسىز سوزدەر تاڭىلعان. ماقساتى بەلگىلى، سايلاۋ ناتيجەلەرىنە كۇمان كەلتىرۋ، جەڭىسىن جوققا شىعارۋ.
«بۇل كۇندەرى ماعان قاراپايىم ازاماتتار، سايلاۋدا ماعان داۋىس بەرگەن مەنىڭ سايلاۋشىلارىم ۇندەمەي قالماۋدى جانە وسى وتىرىك پەن فاكتىلەردىڭ اشىق بۇرمالانۋىنا جاۋاپ بەرۋدى سۇرايدى. وكىنىشكە قاراي، سەنىمدى ادامدارىم بارلىق ۋچاسكەدە بولعانىنا قاراماستان (ال بوقاەۆتىڭ ەش جەردە بولماعان سەنىمدى ادامدارىنان ايىرماشىلىعى), مەنىڭ شتابىم بارلىق حاتتامانى العان جوق. ءتىپتى قولىمداعى بارلارىنىڭ ءوزى مەنىڭ تازا جەڭىسىمدى دالەلدەيدى»، - دەدى ستامبەكوۆ.
ستامبەكوۆ 1999 جانە 2004 جىلدارى ءبىر مانداتتى وكرۋگتەن سايلاۋعا قاتىسقان، تاجىريبەلى ادام رەتىندە ءالىپتىڭ ارتىن باعۋعا، ناتيجەمەن كەلىسپەيتىندەرگە ويىن ايتۋعا، حاتتامالاردى تەكسەرۋگە جانە جەڭىلىستى مويىنداۋعا مۇمكىندىك بەرگەنىن ايتتى. ءسوز سوڭىندا قاسيەتتى رامازان ايىندا قارسىلاسىنا ناعىز ەر ادامعا لاس ويىندى توقتاتىپ، جەڭىلىستى مويىنداۋعا شاقىردى.
<
