2022 جىلى حالىقارالىق اقشا اۋدارىمدارى جۇيەسى ارقىلى جۇرگەن اقشالاي اۋدارىمدارىڭ جيىنتىق كولەمى 1,8 ترلن تەڭگەنى قۇرادى. 2021 جىلمەن سالىستىرعاندا وپەراتسيالاردىڭ 32,7%-عا وسكەنى بايقالادى، دەپ حابارلايدى «ادىرنا» ءتىلشىسى ۇلتتىق بانكتىڭ ءباسپاسوز قىزمەتىنە سىلتەمە جاساپ.
وپەراتسيالاردىڭ نەگىزگى ۇلەسى قازاقستان مەن باسقا ەلدەر اراسىنداعى ترانسشەكارالىق اقشا اۋدارىمدارىنا تيەسىلى – 94,7%.
«2022 جىلى شەتەلگە جىبەرىلگەن جانە شەتەلدەن الىنعان اقشا اۋدارىمدارىنىڭ ورتاشا سوماسى ءىس جۇزىندە بىردەي: تيىسىنشە 415 مىڭ تەڭگە جانە 413 مىڭ تەڭگە. بۇل رەتتە قازاقستاننان شەتەلگە جىبەرىلگەن اقشا اۋدارىمدارى سوماسى 2,4%-عا ءبىرشاما وسە تۇسكەن تۇستا حااج ارقىلى باسقا ەلدەردەن الىنعان اقشالاي اۋدارىمداردىڭ كولەمى ايتارلىقتاي (2,4 ەسە) وسكەنى بايقالادى. 2022 جىلى حااج ارقىلى اقشا اۋدارىمدارىنىڭ كوبەيۋى رەسەيدەن ء(وسىم 6,8 ەسە), قىرعىزستاننان ء(وسىم 2,8 ەسە) جانە اقش-تان ء(وسىم 33%-عا) ورىندالعان اقشا اۋدارىمدارى كولەمىنىڭ وسۋىمەن بايلانىستى بولدى»،—دەلىنگەن حابارلامادا.
