2022 jyly halyqaralyq aqşa audarymdary jüiesı arqyly jürgen aqşalai audarymdaryŋ jiyntyq kölemı 1,8 trln teŋgenı qūrady. 2021 jylmen salystyrǧanda operasiialardyŋ 32,7%-ǧa öskenı baiqalady, dep habarlaidy «Adyrna» tılşısı Ūlttyq banktyŋ baspasöz qyzmetıne sılteme jasap.
Operasiialardyŋ negızgı ülesı Qazaqstan men basqa elder arasyndaǧy transşekaralyq aqşa audarymdaryna tiesılı – 94,7%.
«2022 jyly şetelge jıberılgen jäne şetelden alynǧan aqşa audarymdarynyŋ ortaşa somasy ıs jüzınde bırdei: tiısınşe 415 myŋ teŋge jäne 413 myŋ teŋge. Būl rette Qazaqstannan şetelge jıberılgen aqşa audarymdary somasy 2,4%-ǧa bırşama öse tüsken tūsta HAAJ arqyly basqa elderden alynǧan aqşalai audarymdardyŋ kölemı aitarlyqtai (2,4 ese) öskenı baiqalady. 2022 jyly HAAJ arqyly aqşa audarymdarynyŋ köbeiuı Reseiden (ösım 6,8 ese), Qyrǧyzstannan (ösım 2,8 ese) jäne AQŞ-tan (ösım 33%-ǧa) oryndalǧan aqşa audarymdary kölemınıŋ ösuımen bailanysty boldy»,—delıngen habarlamada.
