شىمكەنت قالاسىنىڭ ورتالىق كوشەلەرىنە اعىمداعى جىلى زاماناۋي ۇلگىدەگى جاڭا 250 ايالداما پاۆيلونىن ورناتۋ جوسپارلانىپ وتىر.
جاڭا تيپتەگى شىنى بارلىق ايالدامالار جولاۋشىلار كولىگىن دامىتۋدىڭ كەشەندى سحەماسىنا سايكەس ورناتىلادى. كەشەندى سحەمانى ازىرلەۋدەگى ماقسات، ەلدى مەكەندەردى قوعامدىق كولىكپەن تولىق قامتاماسىز ەتۋ جانە قوعامدىق كولىكتەردىڭ قوزعالىسىن قالا تۇرعىندارىنىڭ ءجۇرىپ-تۇرۋىنا وڭتايلاندىرۋ.
سالا ماماندارى ايالدامالاردىڭ ۇزاق ساقتالىپ، شاھار كوركىن كىرگىزىپ تۇرۋى - ساپاسىنا عانا ەمەس، قالا تۇرعىندارىنىڭ ىستەلىنگەن جۇمىسقا جاۋاپكەرشىلىكپەن قاراپ، ورىندىقتاردى سىندىرماي، تۇرعان ورنىن بۇلدىرمەي تازا ۇستاۋىنا دا بايلانىستى ەكەنىن ايتادى.
جالپى، شىمكەنت قالاسى بويىنشا 1886 ايالداما ورنى بار. ونىڭ ىشىندە 1336 ايالداما پاۆيلونى بار، قالعانى ايالداما بەلگىلەرى ورناتىلعان.
