Shymkent qalasynyń ortalyq kóshelerine aǵymdaǵy jyly zamanaýı úlgidegi jańa 250 aıaldama pavılonyn ornatý josparlanyp otyr.
Jańa tıptegi shyny barlyq aıaldamalar jolaýshylar kóligin damytýdyń keshendi shemasyna sáıkes ornatylady. Keshendi shemany ázirleýdegi maqsat, eldi mekenderdi qoǵamdyq kólikpen tolyq qamtamasyz etý jáne qoǵamdyq kólikterdiń qozǵalysyn qala turǵyndarynyń júrip-turýyna ońtaılandyrý.
Sala mamandary aıaldamalardyń uzaq saqtalyp, shahar kórkin kirgizip turýy - sapasyna ǵana emes, qala turǵyndarynyń istelingen jumysqa jaýapkershilikpen qarap, oryndyqtardy syndyrmaı, turǵan ornyn búldirmeı taza ustaýyna da baılanysty ekenin aıtady.
Jalpy, Shymkent qalasy boıynsha 1886 aıaldama orny bar. Onyń ishinde 1336 aıaldama pavılony bar, qalǵany aıaldama belgileri ornatylǵan.
