بۇگىنگى قازاقستان رەسپۋبليكاسى پارلامەنت ءماجىلىسى مەن ءماسليحاتتاردىڭ كەزەكتەن تىس سايلاۋى – ەلىمىزدىڭ بولاشاقتاعى دامۋىنا تىڭ سەرپىن بەرەتىن ساياسي ناۋقان. شىمكەنت قالاسى اباي اۋدانى تۇلپار شاعىن اۋدانىندا ورنالاسقان № 218 سايلاۋ ۋچاسكەسىنە داۋىس بەرۋگە كەلگەن قوعام قايراتكەرى شالاتاي مىرزاحمەتوۆ وسىلاي دەدى.
—مەن ءوزىم پارلامەنت ماجىلىسىندە دەپۋتاتتىق قىزمەت اتقارعانمىن. سوندىقتان بۇل ورگان قىزمەتىنىڭ قانشالىقتى كۇردەلى، جاۋاپتى ءارى ماڭىزدى ەكەنىن جاقسى تۇسىنەمىن. پارلامەنت ساپالى زاڭدار شىعارۋ ارقىلى جانە ۇكىمەتتىڭ قىزمەتىن قاداعالاپ، حالىقتىڭ اتىنان ەسەپ الىپ وتىرۋ ارقىلى ەل دامۋىنا سەرپىن بەرەدى. سول سەبەپتى ءاربىر ازامات بۇگىنگى سايلاۋعا بەلسەندى تۇردە قاتىسىپ، ءوز تاڭداۋىن جاساعان ءجون، — دەدى ش.مىرزاحمەتوۆ.
ونىڭ ايتۋىنشا، ءماجىلىس پەن ءماسليحاتتاردىڭ جاڭارعان قۇرامى حالىقتىڭ ءال-اۋقاتىن جاقسارتاتىن، ازاماتتاردىڭ قۇقىعىن قورعاۋ مەن قاۋىپسىزدىگىن قامتاماسىز ەتۋگە جانە ادىلەتتى قوعام ورناتۋعا ىقپال ەتەتىن زاڭدار قابىلداۋى ءتيىس.
