Bügıngı Qazaqstan Respublikasy Parlament Mäjılısı men mäslihattardyŋ kezekten tys sailauy – elımızdıŋ bolaşaqtaǧy damuyna tyŋ serpın beretın saiasi nauqan. Şymkent qalasy Abai audany Tūlpar şaǧyn audanynda ornalasqan № 218 sailau uchaskesıne dauys beruge kelgen qoǧam qairatkerı Şalatai Myrzahmetov osylai dedı.
—Men özım Parlament Mäjılısınde deputattyq qyzmet atqarǧanmyn. Sondyqtan būl organ qyzmetınıŋ qanşalyqty kürdelı, jauapty ärı maŋyzdy ekenın jaqsy tüsınemın. Parlament sapaly zaŋdar şyǧaru arqyly jäne Ükımettıŋ qyzmetın qadaǧalap, halyqtyŋ atynan esep alyp otyru arqyly el damuyna serpın beredı. Sol sebeptı ärbır azamat bügıngı sailauǧa belsendı türde qatysyp, öz taŋdauyn jasaǧan jön, — dedı Ş.Myrzahmetov.
Onyŋ aituynşa, Mäjılıs pen mäslihattardyŋ jaŋarǧan qūramy halyqtyŋ äl-auqatyn jaqsartatyn, azamattardyŋ qūqyǧyn qorǧau men qauıpsızdıgın qamtamasyz etuge jäne ädılettı qoǧam ornatuǧa yqpal etetın zaŋdar qabyldauy tiıs.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz