تاريحقا تاعزىم كۇنىنە وراي، «شىمقالا» تاريحي-مادەني كەشەنىنىڭ ۇيىمداستىرۋىمەن «تاريحقا تاعزىم!» مەرەكەلىك ءىس-شاراسى ءوتتى. ءىس-شارا «شىمقالا» تاريحي-مادەني كەشەنىنەن باستاۋ الىپ، اربات الاڭى، Rixos Khadisha قوناق ۇيىندە، «مۇز» سارايى، «اباي» ساياباعىندا جالعاسىن تاپتى. مەرەكەگە №2 ومىرلىك قيىن جاعدايدا جۇرگەن بالالاردى قورعاۋ ورتالىعىنىڭ بۇلدىرشىندەرى، مەكتەپ وقۋشىلارى جانە ستۋدەنتتەر قاتىستى.
— ءىس-شارانى ۇيىمداستىرۋداعى باستى ماقسات – ۇلىستىڭ ۇلى كۇنى ءاز ناۋرىز مەرەكەسى قارساڭىندا شىمكەنت قالاسىنىڭ كونە تاريحىنان سىر شەرتىپ، كەشەنگە كەلۋشىلەرگە، قالا قوناقتارى مەن تۇرعىندارىنا اتا-بابادان قالعان قۇندى تاريح مەن سالت-ءداستۇرىمىزدى، ادەت-عۇرپىن تاريحي بەينە فيلمدەر ارقىلى ناسيحاتتاپ، ءتۇرلى باعدارلامالار ارقىلى حالىققا مەرەكەلىك كوڭىل-كۇي سىيلاۋ. وسى ءىس-شاراعا Skat اۋەكومپانياسى، «ايجامال» كيىم سالونى جانە «ايجامال» تاتتىلەرى دەمەۋشىلىك جاسادى،- دەيدى «شىمقالا» تاريحي-مادەني كەشەننىڭ مامانى ايگەرىم ساۋداباەۆا.
№2 ومىرلىك قيىن جاعدايدا جۇرگەن بالالاردى قورعاۋ ورتالىعىنىڭ بۇلدىرشىندەرىنە «شىمكەنت پلازا» ساۋدا ورتالىعىنىڭ Wok wok مەيرامحاناسى تاعامدار مەن تاتتىلەرىن ۇسىندى. سونداي-اق، بالالار PLAY PARK ويىن الاڭىنا، «قيال الەمى» ساياباعىنا ساياحاتتاپ، اربات الاڭىندا Led ەكران ارقىلى تاريحي مۋلفيلمدەردى تاماشالادى.
