Tarıhqa taǵzym kúnine oraı, «Shymqala» tarıhı-mádenı kesheniniń uıymdastyrýymen «Tarıhqa taǵzym!» merekelik is-sharasy ótti. Is-shara «Shymqala» tarıhı-mádenı kesheninen bastaý alyp, Arbat alańy, Rixos Khadisha qonaq úıinde, «Muz» saraıy, «Abaı» saıabaǵynda jalǵasyn tapty. Merekege №2 ómirlik qıyn jaǵdaıda júrgen balalardy qorǵaý ortalyǵynyń búldirshinderi, mektep oqýshylary jáne stýdentter qatysty.
— Is-sharany uıymdastyrýdaǵy basty maqsat – Ulystyń Uly kúni Áz Naýryz merekesi qarsańynda Shymkent qalasynyń kóne tarıhynan syr shertip, keshenge kelýshilerge, qala qonaqtary men turǵyndaryna ata-babadan qalǵan qundy tarıh men salt-dástúrimizdi, ádet-ǵurpyn tarıhı beıne fılmder arqyly nasıhattap, túrli baǵdarlamalar arqyly halyqqa merekelik kóńil-kúı syılaý. Osy is-sharaǵa Skat áýekompanııasy, «Aıjamal» kıim salony jáne «Aıjamal» táttileri demeýshilik jasady,- deıdi «Shymqala» tarıhı-mádenı keshenniń mamany Áıgerim Saýdabaeva.
№2 ómirlik qıyn jaǵdaıda júrgen balalardy qorǵaý ortalyǵynyń búldirshinderine «Shymkent plaza» saýda ortalyǵynyń Wok wok meıramhanasy taǵamdar men táttilerin usyndy. Sondaı-aq, balalar PLAY PARK oıyn alańyna, «Qııal álemi» saıabaǵyna saıahattap, Arbat alańynda Led ekran arqyly tarıhı mýlfılmderdi tamashalady.
