شىمكەنت قالاسىنىڭ تۇرعىن ءۇي قورىن رەنوۆاتسيالاۋ جانە قايتا جاڭعىرتۋ (مودەرنيزاتسيا) باعدارلاماسى بويىنشا ارنايى ءباسپاسوز-تۋرى ۇيىمداستىرىلدى. جاڭا باعدارلاما توزىعى جەتكەن عيماراتتاردى جويىپ، مەگاپوليستىڭ ساۋلەتتىك ەرەكشەلىگىنە ساي ءزاۋلىم ۇيلەر قاتارىن ارتتىرۋ ءۇشىن قولعا الىنىپ وتىر.
قازىرگى ۋاقىتتا بۇل ماقساتتا ارنايى شتاب قۇرىلدى. بيىل رەنوۆاتسيا باعدارلاماسى بويىنشا تۇرعىن ءۇي يەلەرى كەلىسىم بەرگەن جاعدايدا 6 تۇرعىن ءۇيدى بۇزۋعا ۇسىنىلۋ جوسپارلانۋدا. قازىرگى تاڭدا تۇرعىندارعا باعدارلاما شارتتارى ءتۇسىندىرىلىپ، تۇراقتى جۇمىستار اتقارىلۋدا. اۆاريالىق جانە توزىعى جەتكەن تۇرعىن ۇيلەردى بۇزۋ - مەنشىك يەلەرىنىڭ كەلىسىمىن العاننان كەيىن جۇرگىزىلەدى. مەنشىك يەلەرىنە قۇرىلىس كەزەڭىندە ۋاقىتشا باسپانا نەمەسە پاتەر جالداۋ ءۇشىن اقشالاي وتەماقى بەرىلەدى.
باعدارلاماعا قاتىسۋ ءۇشىن جەكە ينۆەستورلار تۇرعىن-جاي مەنشىك يەلەرىنىڭ كەلىسىمىن الىپ، "Shymkent" اكك" اق- مەن كەلىسىمشارت جاساسادى. "Shymkent" اكك" اق وكىلى باقتيار شابدانوۆ ينۆەستورعا جانە تۇرعىندارعا باعدارلامانىڭ شارتتارىن ءتۇسىندىرىپ بەردى.
اتاپ ايتقاندا، ەلشىبەك باتىر كوشەسى، 91 ءۇيدىڭ تۇرعىندارى باعدارلاماعا قاتىسۋعا كەلىسىمىن بەرىپ وتىر. ينۆەستور توزىعى جەتكەن ءۇيدىڭ ورنىنا 9 قاباتتى ءزاۋلىم ءۇي سالۋدى جوسپارلاۋدا. وسى رەتتە اكتسيونەرلىك قوعام ينۆەستوردىڭ ۇسىنىستارىن قاراپ، قۇجاتتارىن زەردەلەۋدەن وتكىزۋدە. ءتيىستى كەلىسىمدەر جاسالعاننان كەيىن قۇرىلىس جۇمىستارى باستالادى.
سونداي-اق، بيىل 40 كوپ قاباتتى تۇرعىن ۇيگە كۇردەلى جانە اعىمداعى جوندەۋ جۇمىستارى اتقارىلماق.
