Shymkent qalasynyń turǵyn úı qoryn renovaııalaý jáne qaıta jańǵyrtý (modernızaııa) baǵdarlamasy boıynsha arnaıy baspasóz-týry uıymdastyryldy. Jańa baǵdarlama tozyǵy jetken ǵımarattardy joıyp, megapolıstiń sáýlettik ereksheligine saı záýlim úıler qataryn arttyrý úshin qolǵa alynyp otyr.
Qazirgi ýaqytta bul maqsatta arnaıy shtab quryldy. Bıyl renovaııa baǵdarlamasy boıynsha turǵyn úı ıeleri kelisim bergen jaǵdaıda 6 turǵyn úıdi buzýǵa usynylý josparlanýda. Qazirgi tańda turǵyndarǵa baǵdarlama sharttary túsindirilip, turaqty jumystar atqarylýda. Avarııalyq jáne tozyǵy jetken turǵyn úılerdi buzý - menshik ıeleriniń kelisimin alǵannan keıin júrgiziledi. Menshik ıelerine qurylys kezeńinde ýaqytsha baspana nemese páter jaldaý úshin aqshalaı ótemaqy beriledi.
Baǵdarlamaǵa qatysý úshin jeke ınvestorlar turǵyn-jaı menshik ıeleriniń kelisimin alyp, "Shymkent" ÁKK" AQ- men kelisimshart jasasady. "Shymkent" ÁKK" AQ ókili Baqtııar Shabdanov ınvestorǵa jáne turǵyndarǵa baǵdarlamanyń sharttaryn túsindirip berdi.
Atap aıtqanda, Elshibek batyr kóshesi, 91 úıdiń turǵyndary baǵdarlamaǵa qatysýǵa kelisimin berip otyr. Investor tozyǵy jetken úıdiń ornyna 9 qabatty záýlim úı salýdy josparlaýda. Osy rette akıonerlik qoǵam ınvestordyń usynystaryn qarap, qujattaryn zerdeleýden ótkizýde. Tıisti kelisimder jasalǵannan keıin qurylys jumystary bastalady.
Sondaı-aq, bıyl 40 kóp qabatty turǵyn úıge kúrdeli jáne aǵymdaǵy jóndeý jumystary atqarylmaq.
