قالا اۋماعىندا سۋ باسۋدىڭ الدىن الۋ جۇمىستارى جوسپارعا ساي اتقارىلۋدا. شىمكەنت قالاسى توتەنشە جاعدايلار دەپارتامەنتى باستىعىنىڭ ورىنباسارى، پولكوۆنيك جانىبەك كارىمباەۆ اقپاراتتىق-كوممۋنيكاتسيالىق ورتالىقتا وتكەن بريفينگتە كوكتەمگى سۋ تاسقىنى كەزەڭىندە جۇيەلى ءىس-شارالاردىڭ بارىسى، سۋ باسۋدى بولدىرماۋ جونىندە جۇمىستاردى باياندادى.
قازىرگى ۋاقىتتا قالا اۋماعىندا سۋ تاسقىنى كەزەڭىندە جاعداي تۇراقتى. قالا اۋماعىندا 10 گيدروتەحنيكالىق قۇرىلىستىڭ توعىزى جارامدى، ءبىر گيدروتەحنيكالىق قۇرىلىس (اقجار سۋ قويماسى) جوندەۋدى قاجەت ەتەدى. اۆاريالىق جانە يەسىز گيدروتەحنيكالىق قۇرىلىس جوق. تج دەپارتامەنتى گيدروتەحنيكالىق قۇرىلىستار مەن سۋ تاسقىنى قاۋپى بار ۋچاسكەلەرىندە اەروۆيزۋالدى تەكسەرۋ ۇيىمداستىردى.
–جالپى سۋ قويمالارىنىڭ تولۋى بۇگىندە 60-70 %-دى قۇرايدى. قازىرگى ۋاقىتتا تاسقىن سۋلاردى قابىلداۋ ءۇشىن سۋ قويمالارىندا قورلار جەتكىلىكتى. بادام، سايرام-سۋ، قوشقار - اتا، قارا-سۋ وزەندەردەگى سۋدىڭ دەڭگەيى ورتادان تومەن. سۋ تاسقىنى كەزەڭىندە حالىقتى دەر كەزىندە حاباردار ەتۋ، داۋىلدى ەسكەرتۋلەردى ۇنەمى جاريالاپ وتىرمىز. كازگيدرومەتتىڭ مالىمەتى بويىنشا ناۋرىز ايىندا جاڭبىر نورمادان كوپ كۇتىلەدى دەگەن بولجام بار. بۇل دەگەنىمىز وسى مەزگىلدە سۋ باسۋ جاعدايلارى كۇردەلەنۋى مۇمكىن. جالپى دەپارتامەنت قىزمەتكەرلەرى جاعدايدى نازاردا ۇستاپ وتىر، - دەدى جانىبەك تۇرلىبەكۇلى.
قالا اۋماعىنداعى سۋ باسۋ قاۋىپتى ايماقتارعا تىكۇشاق ارقىلى اۋەدەن شولۋ جۇمىستارى جانە اۋداندىق اكىمدىكتەرىمەن بىرلەسىپ قاۋىپتى سۋ باسۋ ىقتيمال ۋچاسكىلەرگە مونيتورينگ جۇرگىزىلگەن. ناتيجەسىندە قالادا ۇزىندىعى 56 شاقىرىم 12 كانال قوقىستان تازالانعان.
