Şymkent: Su basu yqtimal uchaskılerge monitoring jürgızıldı

Qala aumaǧynda su basudyŋ aldyn alu jūmystary josparǧa sai atqaryluda. Şymkent qalasy Tötenşe jaǧdailar departamentı bastyǧynyŋ orynbasary, polkovnik Jänıbek Kärımbaev Aqparattyq-kommunikasiialyq ortalyqta ötken brifingte köktemgı su tasqyny kezeŋınde jüielı ıs-şaralardyŋ barysy, su basudy boldyrmau jönınde jūmystardy baiandady. Qazırgı uaqytta qala aumaǧynda su tasqyny kezeŋınde jaǧdai tūraqty. Qala aumaǧynda 10 gidrotehnikalyq qūrylystyŋ toǧyzy jaramdy, bır gidrotehnikalyq qūrylys (Aqjar su qoimasy) jöndeudı qajet etedı. Avariialyq jäne iesız gidrotehnikalyq qūrylys joq. TJ departamentı gidrotehnikalyq qūrylystar men su tasqyny qaupı bar uchaskelerınde aerovizualdy tekseru ūiymdastyrdy. –Jalpy su qoimalarynyŋ toluy bügınde 60-70 %-dy qūraidy. Qazırgı uaqytta tasqyn sulardy qabyldau üşın su qoimalarynda qorlar jetkılıktı. Badam, Sairam-su, Qoşqar - ata, Qara-su özenderdegı sudyŋ deŋgeiı ortadan tömen. Su tasqyny kezeŋınde halyqty der kezınde habardar etu, dauyldy eskertulerdı ünemı jariialap otyrmyz. Kazgidromettıŋ mälımetı boiynşa nauryz aiynda jaŋbyr normadan köp kütıledı degen boljam bar. Būl degenımız osy mezgılde su basu jaǧdailary kürdelenuı mümkın. Jalpy departament qyzmetkerlerı jaǧdaidy nazarda ūstap otyr, - dedı Jänıbek Tūrlybekūly. Qala aumaǧyndaǧy su basu qauıptı aimaqtarǧa tıkūşaq arqyly äueden şolu jūmystary jäne audandyq äkımdıkterımen bırlesıp qauıptı su basu yqtimal uchaskılerge monitoring jürgızılgen. Nätijesınde qalada ūzyndyǧy 56 şaqyrym 12 kanal qoqystan tazalanǧan.