بايدىبەك بي داڭعىلى مەن ارعىنبەكوۆ كوشەسىنىڭ قيىلىسىندا سالىنىپ جاتقان جولايرىق قۇرىلىسىنىڭ بۇگىندە 55 پايىزى اتقارىلدى.
جوباعا سايكەس جولايرىق ءۇش دەڭگەيلى. تومەنگى دەڭگەيدە ارعىنبەكوۆ كوشەسى، جوعارعى دەڭگەيدە بايدىبەك بي داڭعىلى، ورتاڭعى دەڭگەيدە وڭ جاق بۇرىلىستار مەن ساقينالى جول ورنالاساتىن بولادى. قازىرگى تاڭدا، نەگىزگى كوپىر وتكەلدەرىنىڭ تەمىربەتوندى كونسترۋكتسياسى 95 پايىزعا ورىندالدى. مامىر ايىنىڭ سوڭىندا ارعىنبەكوۆ كوشەسىن، شىلدە ايىندا بايدىبەك بي داڭعىلى جانە وڭ جاق وتكەلدەرىن كولىك قوعالىسىن اشۋ جوسپارلانۋدا.
ايتا كەتەيىك، جوبانىڭ تەحنيكالىق سيپاتتاماسىنا سايكەس بايدىبەك بي داڭعىلى بويىنان 700 مەتر، ارعىنبەكوۆ كوشەسى بويىنان 921 مەتر جول ارالىعى قۇرىلىس اۋماعىنا ەنگىزىلگەن. جولايرىق ماگيسترالىنىڭ ەنى 80 مەتردەن 4-6 جولاقتى قۇرايدى.
