«پەتروقازاقستان ويل پروداكتس» جشس-ءنىڭ ۇيىمداستىرۋىمەن ءداستۇرلى كوشەت وتىرعىزۋ ناۋقانى باستالدى. بۇگىن زاۋىتتىڭ سانيتارلىق اۋماعىنا «جاسىل بەلدەۋ» مەكەمەسىمەن بىرلەسىپ 1100 ءتۇپ كوشەت وتىرعىزىلدى.
— مەملەكەت باسشىسى قاسىم-جومارت توقاەۆتىڭ قازاقستان حالقىنا ارناعان جولداۋىنداعى تاپسىرماسىنا سايكەس، ءبىزدىڭ ۇيىم ءداستۇرلى تۇردە كوگالداندىرۋ جۇمىسىن قولعا الىپ وتىر. بۇگىندە ءوندىرىس ورىندارىنا تابيعاتتى قورعاۋ ماقساتىندا جىل سايىن 500 ءتۇپ اعاش وتىرعىزۋ مىندەتى جۇكتەلگەن. ءبىز وسى تاپسىرمانى ۇيىمنىڭ يگى شاراسىنا اينالدىرىپ، ءداستۇرلى تۇردە جۇزەگە اسىرىپ كەلەمىز. بۇگىن زاۋىتتىڭ سانيتارلىق قورعاۋ ايماعىنا 500 ءتۇپ كوشەت وتىرعىزىلدى. سونداي-اق، ەرتەڭ تاياۋ ماڭداعى بادام-2 جانە جۇلدىز ەلدى مەكەندەرىندە وتىرعىزۋ ءۇشىن 600 ءتۇپ اعاش كوشەتى بەرىلدى. وعان ايماقتى جەرسىنەتىن جانە وتتەگىن كوپ بولەتىن تالشىن مەن قارا اعاش كوشەتتەرى تاڭدالدى. بىلتىر جەمىس اعاشتارىنا باسىمدىق بەرىلگەن بولاتىن، - دەيدى «پەتروقازاقستان ويل پروداكتس» جشس تابيعاتتى قورعاۋ ءبولىمى مەڭگەرۋشىسىنىڭ مىندەتىن اتقارۋشى ن.جولداسبەكوۆا.
مەكەمە 2021 جىلدان باستاپ كوشەت وتىرعىزۋ ءىسىن داستۇرگە اينالدىرعان. ەكى جىلدا مەكەمە شىمكەنتتىڭ جاسىل بەلدەۋى بويىنا 5500 ءتۇپ، ال زاۋىتتتىڭ سانيتارلىق قورعاۋ ايماعىنا 2500 ءتۇپ كوشەت وتىرعىزعان. ال، 1000 ءتۇبى جاقىن ماڭداعى ەلدى مەكەندەرگە بەرىلگەن.
ايتا كەتەيىك، مەكەمەنىڭ 2023-2026 جىلدارعا ارنالعان تابيعاتتى قورعاۋ ماقساتىنداعى ءىس-شارا جوسپارىنا سايكەس ءار جىلعا اتقاراتىن جۇمىس كولەمى بەكىتىلگەن.
