«PetroQazaqstan Oıl Prodakts» JShS-niń uıymdastyrýymen dástúrli kóshet otyrǵyzý naýqany bastaldy. Búgin zaýyttyń sanıtarlyq aýmaǵyna «Jasyl beldeý» mekemesimen birlesip 1100 túp kóshet otyrǵyzyldy.
— Memleket basshysy Qasym-Jomart Toqaevtyń Qazaqstan halqyna arnaǵan Joldaýyndaǵy tapsyrmasyna sáıkes, bizdiń uıym dástúrli túrde kógaldandyrý jumysyn qolǵa alyp otyr. Búginde óndiris oryndaryna tabıǵatty qorǵaý maqsatynda jyl saıyn 500 túp aǵash otyrǵyzý mindeti júktelgen. Biz osy tapsyrmany uıymnyń ıgi sharasyna aınaldyryp, dástúrli túrde júzege asyryp kelemiz. Búgin zaýyttyń sanıtarlyq qorǵaý aımaǵyna 500 túp kóshet otyrǵyzyldy. Sondaı-aq, erteń taıaý mańdaǵy Badam-2 jáne Juldyz eldi mekenderinde otyrǵyzý úshin 600 túp aǵash kósheti berildi. Oǵan aımaqty jersinetin jáne ottegin kóp bóletin talshyn men qara aǵash kóshetteri tańdaldy. Byltyr jemis aǵashtaryna basymdyq berilgen bolatyn, - deıdi «PetroQazaqstan Oıl Prodakts» JShS Tabıǵatty qorǵaý bólimi meńgerýshisiniń mindetin atqarýshy N.Joldasbekova.
Mekeme 2021 jyldan bastap kóshet otyrǵyzý isin dástúrge aınaldyrǵan. Eki jylda mekeme Shymkenttiń jasyl beldeýi boıyna 5500 túp, al zaýytttyń sanıtarlyq qorǵaý aımaǵyna 2500 túp kóshet otyrǵyzǵan. Al, 1000 túbi jaqyn mańdaǵy eldi mekenderge berilgen.
Aıta keteıik, mekemeniń 2023-2026 jyldarǵa arnalǵan Tabıǵatty qorǵaý maqsatyndaǵy is-shara josparyna sáıkes ár jylǵa atqaratyn jumys kólemi bekitilgen.
