سولتۇستىك قازاقستانداعى "سەپاراتيستەر" اتانعان توپ وكىلدەرىنە قالمىستىق ءىس قوزعالدى. توپ «ەڭبەكشى حالىق كەڭەسىن» قۇرىپ، قازاقستاننان تاۋەلسىزدىك العانىن جاريالادى. باس پروكۋراتۋرانىڭ ءباسپاسوز قىزمەتى سوتقا دەيىنگى تەرگەۋ ءىسىنىڭ باستالعانىن حابارلادى، دەپ جازدى "ادىرنا" ۇلتتىق پورتالى "Zakon.kz" سايتىنا سىلتەمە كورسەتە وتىرىپ.
الەۋمەتتىك توپتىڭ جىكشىلدىككە ۇمتىلىسىنا قاتىستى تۇسىرىلگەن ۆيدەو الەۋمەتتىك جەلىلەردە بەلسەندى تۇردە تاراتىلىپ، قوعامدىق تالقىعا ءتۇستى.
"2023 جىلعى 30 ناۋرىزدا ۇلتتىق قاۋىپسىزدىك كوميتەتىنىڭ سولتۇستىك قازاقستان وبلىسى بويىنشا دەپارتامەنتى اتالعان فاكتى بويىنشا قىلمىستىق كودەكستىڭ 180-بابى 2-بولىگى (بۇقارالىق اقپارات قۇرالدارىن پايدالانا وتىرىپ، ادامدار توبىندا سەپاراتيزمدى ناسيحاتتاۋ) بويىنشا سوتقا دەيىنگى تەرگەپ-تەكسەرۋدى باستادى. الەۋمەتتىك جەلىلەردە «پەتروپاۆل قالاسىنىڭ حالىقتىق ەڭبەك كەڭەسى» قۇرىلۋى تۋرالى بەينەروليكتى ورنالاستىرۋ تۋرالى", - دەپ مالىمدەدى قازاقستان رەسپۋبليكاسى باس پروكۋراتۋراسىنىڭ ءباسپاسوز قىزمەتى
سونىمەن قاتار ۇقك مەن وبلىستىق پوليتسيا دەپارتامەنتىنىڭ تەرگەۋشىلەرىنەن ۆەدومستۆوارالىق جەدەل-تەرگەۋ توبى قۇرىلعانى ايتىلدى.
ء"ىس بويىنشا پروتسەسسۋالدىق پروكۋرورلار تاعايىندالدى. سوتقا دەيىنگى تەرگەپ-تەكسەرۋ اياسىندا جەدەل-ىزدەستىرۋ شارالارى جۇرگىزىلۋدە، ونىڭ ىشىندە ءتىنتۋ مەن الۋ، ءتيىستى سوت-مەديتسينالىق ساراپتامالار تاعايىندالدى", - قازاقستان رەسپۋبليكاسى باس پروكۋراتۋراسىنىڭ ءباسپاسوز قىزمەتى.
قىلمىستىق-پروتسەستىك كودەكستىڭ 201-بابىنا سايكەس وزگە دە مالىمەتتەر جاريا ەتۋ ساناتىنا جاتپايدى. ءباسپاسوز قىزمەتىنىڭ مالىمدەۋىنشە، تەرگەۋ بارىسى باس پروكۋروردىڭ باقىلاۋىنا الىنىپ، قاتاڭ تۇردە قاداعالانباق.
"ادىرنا" ۇلتتىق پورتالى
