پەتروپاۆلدا پوترۋلدىك پوليتسيا الدىڭعى بۇيىرلىك تەرەزەلەرىندە جاپسىرماسى بار كولىكتى توقتاتتى. بۇل تۋرالى Petropavlovsk.news جاريالادى، دەپ حابارلايدى “ادىرنا” ۇلتتىق پورتالى.
وقيعا 9 مامىر – جەڭىس كۇنى بولعان. كولىككە جۇلدىز بەن ۇشاقتىڭ سۋرەتتەرى جاپسىرىلعان بولىپ شىقتى. پوليتسيا ولاردى الىپ تاستاۋدى سۇرادى، بىراق ەر ادام باس تارتتى.
انىقتالعانداي، ءبىر جىل بۇرىن دا وسى ازامات كولىگىنىڭ بۇيىرلىك اينەكتەرىندەگى جاپسىرمالاردى الىپ تاستاۋعا ءماجبۇر بولعان.
سوتتا بەلگىلى بولعانداي، جۇرگىزۋشى ءتارتىپ ساقشىسىنىڭ كولىكتىڭ الدىڭعى بۇيىرلىك اينەكتەرىنە ورناتىلعان جۇلدىز بەن ۇشاقتىڭ سۋرەتىن الىپ تاستاۋ تۋرالى زاڭدى بۇيرىعىنا باعىنباعان، سەبەبى ول كولىك جۇرگىزۋ كەزىندە كورىنىسكە كەدەرگى كەلتىرگەن.
12 مامىردا پەتروپاۆل قالاسىنىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان سوتى قازاقستان رەسپۋبليكاسى اقبتك-ءنىڭ 667-بابىنىڭ 2-بولىگىندە كوزدەلگەن قۇقىق بۇزۋشىلىق تۋرالى ءىستى قارادى - «قۇقىق قورعاۋ ورگانى قىزمەتكەرىنىڭ زاڭدى بۇيرىعىنا نەمەسە تالابىنا باعىنباۋ، ءبىر جىل ىشىندە بىرنەشە رەت قۇقىق بۇزۋشىلىق تۋرالى». 2022 جىلدىڭ 9 مامىرىندا ەر ادام وسى باپتىڭ ءبىرىنشى بولىگى بويىنشا سوتتالىپ، قاماۋعا الىنعان.
